ສັນຍາຢຸດຍິງລະຫວ່າງອິດສະຣາແອນກັບລີບັງມີຜົນສັກສິດຢ່າງເປັນທາງການ

ຕາມຂ່າວຈາກສື່ຕ່າງໆຂອງລີບັງສະແດງໃຫ້ເຫັນວ່າ, ເວລາ 4 ໂມງຂອງວັນທີ 27 ພະຈິກນີ້, ສັນຍາຢຸດຍິງລະຫວ່າງອິດສະຣາແອນກັບລີບັງເລີ່ມມີຜົນສັກສິດຢ່າງເປັນທາງການ.

ຕອນຄ່ຳວັນທີ 26 ພະຈິກນີ້, ຄະນະລັດຖະບານຄວາມໝັ້ນຄົງອິດສະຣາແອນໄດ້ຈັດກອງປະຊຸມ ໂດຍອະນຸມັດສັນຍາຢຸດຍິງກັບພັກເຮັສບົນລາລີບັງ. ມື້ດຽວກັນ, ທ່ານໂຈ ໄບເດັນ ປະທານາທິບໍດີອາເມຣິກາປະກາດວ່າ, ສັນຍາຢຸດຍິງລະຫວ່າງອິດສະຣາແອນກັບລີບັງຈະເລີ່ມມີຜົນສັກສິດໃນເວລາ 4 ໂມງຂອງວັນທີ 27 ພະຈິກນີ້ຕາມເວລາລີບັງ ແລະ ອິດສະຣາແອນ.

ທ່ານນາຈິບ ມິຄາຕີ ນາຍົກລັດຖະມົນຕີລັດຖະບານຮັກສາການລີບັງໄດ້ອອກຖະແຫຼງການ ໂດຍສະແດງຄວາມຊົມເຊີຍຕໍ່ສັນຍາຢຸດຍິງລະຫວ່າງອິດສະຣາແອນກັບພັກເຮັສບົນລາລີບັງ. ປັດຈຸບັນ, ພັກເຮັສບົນລາລີບັງຍັງບໍ່ທັນໃຫ້ຄຳຕອບຢ່າງເປັນທາງການຕໍ່ຂ່າວດັ່ງກ່າວເທື່ອ. ແຕ່ອີງຕາມການລາຍງານຂ່າວຂອງ “The Times of Israel”, ທ່ານໂຈ ໄບເດັນກ່າວວ່າ, ລັດຖະບານລີບັງໄດ້ຮັບການອະນຸມັດຈາກພັກເຮັສບົນລາໃນດ້ານຮູບການ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ປ່ຽນໜ່ວຍພູທີ່ເຄີຍເປັນບ່ອນຂຸດຄົ້ນແຮ່ໃຫ້ກາຍເປັນຈຸດເຊັກອິນທາງການທ່ອງທ່ຽວແຫ່ງໃໝ່

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ