ທ່ານໂດໂນ ທຣຳປະກາດວ່າ ຈະເກັບພາສີ 25% ຕໍ່ສິນຄ້າຈາກແມັກຊິກ ແລະ ການາດາ

ວັນທີ 25 ພະຈິກນີ້, ທ່ານໂດໂນ ທຣຳ ທີ່ໄດ້ຮັບເລືອກຕັ້ງເປັນປະທານາທິບໍດີອາເມຣິກາຄົນໃໝ່ກ່າວວ່າ, ຈະເກັບພາສີ 25% ຕໍ່ສິນຄ້າທັງໝົດທີ່ແມັກຊິກ ແລະ ການາດາສົ່ງເຂົ້າອາເມຣິກາ. ນອກນີ້, ທ່ານໂດໂນ ທຣຳຍັງປະກາດວ່າ ຈະຂຶ້ນພາສີອີກ 10% ຕໍ່ສິນຄ້າທີ່ນຳເຂົ້າຈາກຈີນ.

ໃນການໃຫ້ສຳພາດເທື່ອໜຶ່ງໃນປີ 2023 ຜ່ານມາ, ທ່ານໂດໂນ ທຣຳໄດ້ສະເໜີວ່າຈະເກັບພາສີທົ່ວໄປໃນອັດຕາ 10% ຕໍ່ສິນຄ້ານຳເຂົ້າທັງໝົດ. ໃນເດືອນພະຈິກປີນີ້, ຜົນການຄົ້ນຄວ້າຂອງສະມາຄົມຂາຍຍ່ອຍທົ່ວປະເທດອາເມຣິກາ ຫຼື NFR ສະແດງໃຫ້ເຫັນວ່າ, ຖ້າວ່າ ແຜນການເກັບພາສີສະບັບໃໝ່ຂອງທ່ານໂດໂນ ທຣຳໄດ້ຮັບການປະຕິບັດແທ້, ຄວາມສາມາດການບໍລິໂພກປະຈຳປີຂອງຜູ້ບໍລິໂພກອາເມຣິກາຈະຫຼຸດລົງ 78 ຕື້ໂດລາ. ຜົນການຄົ້ນຄວ້າສະແດງໃຫ້ເຫັນວ່າ, ພາສີເຫຼົ່ານີ້ຈະກະທົບເຖິງເຄື່ອງອຸປະໂພກບໍລິໂພກປະເພດເຄື່ອງນຸ່ງ, ເຄື່ອງຫຼິ້ນ, ເຟີນີເຈີ, ເຄື່ອງໃຊ້ໄຟຟ້າ, ເກີບ ແລະ ເຄື່ອງໃຊ້ໃນການເດີນທາງ, ແລະອື່ນໆ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ປ່ຽນໜ່ວຍພູທີ່ເຄີຍເປັນບ່ອນຂຸດຄົ້ນແຮ່ໃຫ້ກາຍເປັນຈຸດເຊັກອິນທາງການທ່ອງທ່ຽວແຫ່ງໃໝ່

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ