ທ່ານສີຈິ້ນຜິງພົບປະກັບນາຍົກລັດຖະມົນຕີເຢຍລະມັນ

ຕອນເຊົ້າວັນທີ 19 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານ ໂອລາຟ ໂຊນສ ນາຍົກລັດຖະມົນຕີເຢຍລະມັນໃນໄລຍະເຂົ້າຮ່ວມກອງປະຊຸມສຸດຍອດກຸ່ມ 20 ປະເທດຫຼື G20 ຄັ້ງທີ 19 ທີ່ຈັດຂຶ້ນຢູ່ນະຄອນຣີໂອເດີຈາເນໂຣ ປະເທດເບຣຊິນ.

ໃນໂອກາດດັ່ງກ່າວ, ທ່ານສີຈິ້ນຜິງກ່າວວ່າ: ຈີນຮັກສາການປະຕິບັດນະໂຍບາຍຕໍ່ເຢຍລະມັນຢ່າງມີຄວາມໝັ້ນທ່ຽງ ແລະ ຕໍໍ່ເນື່ອງໃນລະດັບສູງ, ຜົນປະໂຫຍດ້ານເສດຖະກິດລະຫວ່າງຈີນ-ເຢຍລະມັນໄດ້ເຊື່ອມໂຍງເຂົ້າກັນໃນລະດັບສູງ, ການຮ່ວມມືລະຫວ່າງສອງປະເທດເປັນກາລະໂອກາດແຫ່ງການຮ່ວມກັນສົ່ງເສີມການພັດທະນາ ແລະ ຮ່ວມກັນສ້າງອະນາຄົດ. ສະຫະພາບເອີຣົບເພີ່ມພາສີຕໍ່ລົດພະລັງງານໄຟຟ້າທີ່ນຳເຂົ້າຈາກຈີນ ເຊິ່ງໄດ້ພາໃຫ້ທົ່ວໂລກມີສົນໃຈ. ຈີນເວລາໃດກໍຍຶດໝັ້ນແກ້ໄຂຄວາມເຫັນທີ່ຂັດແຍ້ງກັນຜ່ານການສົນທະນາແລະເປິກສາຫາລືກັນ, ຫວັງວ່າເຢຍລະມັນຈະສືບຕໍ່ເສີມຂະຫຍາຍບົດບາດທີ່ສຳຄັນເພື່ອເລື່ອງນີ້.

ທ່ານໂອລາຟ ໂຊນສ ກ່າວຢືນຢັນວ່າ: ເຢຍລະມັນຫວັງຢາກຮ່ວມກັບຈີນຂະຫຍາຍສາຍພົວພັນຄູ່ຮ່ວມຍຸດທະສາດຮອບທິດຕື່ມອີກ, ເພື່ອປະກອບສ່ວນເຂົ້າໃນການຟື້ນຟູເສດຖະກິດໂລກ ແລະ ຄວາມຈະເລີນຮຸ່ງເຮືອງຮ່ວມກັນ. ຫວັງວ່າ ສະຫະພາບເອີຣົບ-ຈີນຈະຜ່ານຈາກການສົນທະນາແລະເຈລະຈາກັນເພື່ອແກ້ໄຂບັນຫາກ່ຽວກັບລົດພະລັງງານໄຟຟ້າໂດຍໄວ, ເຢຍລະມັນຍິນດີສຸມຄວາມພະຍາຍາມຢ່າງຕັ້ງໜ້າເພື່ອເລື່ອງນີ້.

.md_Laos_page01 .md_hd{width:300px;}

ຄໍລຳ

ຮູບພາບ