ທ່ານສີຈິ້ນຜິງ ພົບປະກັບນາຍົກລັດຖະມົນຕີອັງກິດ

ຕອນເຊົ້າວັນທີ 18 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານເກ ສຕາເມີ ນາຍົກລັດຖະມົນຕີອັງກິດຢູ່ນະຄອນຣີໂອເດີຈາເນໂຣ ປະເທດເບຣຊິນໃນໄລຍະເຂົ້າຮ່ວມກອງປະຊຸມສຸດຍອດກຸ່ມ G20.

ໃນໂອກາດດັ່ງກ່າວ, ທ່ານສີຈິ້ນຜິງກ່າວວ່າ: ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ ແລະ ກຸ່ມເສດຖະກິດຕົ້ນຕໍຂອງໂລກ, ຈີນແລະອັງກິດມີພາລະໜ້າທີ່ອັນສຳຄັນໃນການຊຸກຍູ້ການພັດທະນາຂອງປະເທດຕົນ ທັງມີໜ້າທີ່ຮັບຜິດຊອບໃນການຮັບມືກັບສິ່ງທ້າທາຍຂອງໂລກ. ສອງຝ່າຍຄວນຍຶດໝັ້ນຖານະທີ່ເປັນຄູ່ຮ່ວມຍຸດທະສາດ, ຍຶດໝັ້ນເຄົາລົບເຊິ່ງກັນແລະກັນ, ເປີດກວ້າງແລະຮ່ວມມືກັນ, ແລກປ່ຽນແລະຖອດຖອນບົດຮຽນເຊິ່ງກັນແລະກັນ, ຮ່ວມກັນຂຽນປະຫວັດສາດໜ້າໃໝ່ແຫ່ງການຂະຫຍາຍສາຍພົວພັນລະຫວ່າງຈີນ-ອັງກິດຢ່າງປອດໃສແລະໝັ້ນທ່ຽງ.

ທ່ານສຕາເມີກ່າວວ່າ: ອັງກິດແລະຈີນມີຜົນປະໂຫຍດຮ່ວມທີ່ກວ້າງຂວາງ, ມີຄວາມຮັບຜິດຊອບອັນສຳຄັນໃນການແກ້ໄຂສິ່ງທ້າທາຍຂອງໂລກ, ປົກປັກຮັກສາສັນຕິພາບແລະການພັດທະນາຂອງໂລກ. ອັງກິດຫວັງວ່າຈະຍຶດໝັ້ນຈິດໃຈທີ່ມີຄວາມຈິງໃຈຕ່າງໆ ເປັນຕົ້ນເຄົາລົບເຊິ່ງກັນແລະກັນໂດຍສັນຕິ ເພື່ອເພີ່ມທະວີການສົນທະນາກັບຈີນ, ເພີ່ມຄວາມເຂົ້າໃຈກັນ, ດຳເນີນການແລກປ່ຽນແລະການຮ່ວມມືຢ່າງກວ້າງຂວາງໃນຂົງເຂດເສດຖະກິດການຄ້າ, ວິທະຍາສາດເຕັກໂນໂລຊີ, ການສຶກສາ ແລະອື່ນໆ. ອັງກິດຍິນດີຮ່ວມກັບຈີນເພີ່ມທະວີການແລກປ່ຽນແລະການປະສານງານ ເພື່ອຊຸກຍູ້ການແກ້ໄຂບັນຫາເຄັ່ງຮ້ອນໃນພາກພື້ນຜ່ານທາງການເມືອງ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ

ວິສາຫະກິດຕ່າງປະເທດທີ່ເຂົ້າຮ່ວມCIIE ເປັນສັກຂີພິຍານ ແລະ ຜູ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງຈີນ

ການສຳພາດປະທານາທິບໍດີແຟງລັງ

ຜູ້ບໍລິໂພກຂອງຈີນສາມາດສັ່ງຊື້ຜະລິດຕະພັນຂອງລາວໄດ້ຢ່າງສະດວກກວ່າເກົ່າແລ້ວ!

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ

Copyright © cri.cn All Rights Reserved