ການເຄື່ອນໄຫວສື່ມວນຊົນແບບເຊິ່ງໜ້າລະຫວ່າງຊາວໜຸ່ມປະເທດເຂດໂລກໃຕ້ຈັດຂຶ້ນຢູ່ນະຄອນຣີໂອເດີຈາເນໂຣຂອງເບຣຊິນ

ວັນທີ 18 ພະຈິກນີ້ຢູ່ນະຄອນຣີໂອເດີຈາເນໂຣຂອງເບຣຊິນ, ວິທະຍຸໂທລະພາບສູນກາງຈີນ ຫຼື CMG, ກອງປະຊຸມສຸດຍອດຊາວໜຸ່ມກຸ່ມ G20 ຫຼື Y20ແລະ ກອງເລຂາທໍານຽບປະທານາທິບໍດີເບຣຊິນໄດ້ຮ່ວມກັນເປັນເຈົ້າພາບຈັດພິທີເປີດການເຄື່ອນໄຫວສື່ມວນຊົນແບບເຊິ່ງໜ້າລະຫວ່າງຊາວໜຸ່ມປະເທດເຂດໂລກໃຕ້, ໂດຍໄດ້ເຜີຍແຜ່ “ຂໍ້ລິເລີ່ມວ່າດ້ວຍສື່ມວນຊົນປະເທດເຂດໂລກໃຕ້ຮ່ວມກັນຊຸກຍູ້ການສ້າງປະຊາຄົມຮ່ວມຊາຕາກໍາຂອງມວນມະນຸດ” ເຊິ່ງມີສື່ມວນຊົນຈາກ 215 ສໍານັກໃນ 74 ປະເທດເຂົ້າຮ່ວມ ແລະ ໃຫ້ການສະໜັບສະໜູນ. ທ່ານ ເຊີ້ນໄຫສົງ ຮອງຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ, ຜູ້ອໍານວຍການໃຫຍ່ CMG ໄດ້ເຂົ້າຮ່ວມພິທີເປີດ ແລະ ກ່າວຄໍາປາໄສ. ບຸກຄົນສໍາຄັນທາງການເມືອງ ເຊັ່ນ: ທ່ານນາງ ຮາຣິນີ ອໍາມາຣາສຸຣິຢາ ນາຍົກລັດຖະມົນຕີສີລັງກາເປັນຕົ້ນ ພ້ອມດ້ວຍຜູ້ຮັບຜິດຊອບອົງການຈັດຕັ້ງສາກົນຫຼາຍທ່ານໄດ້ສົ່ງສານຊົມເຊີຍ ແລະ ກ່າວຄໍາປາໄສຜ່ານຮູບແບບວິດີໂອມາຍັງພິທີເປີດ. ນອກນີ້, ຜູ້ຕາງໜ້າວົງການການເມືອງ, ສື່ມວນຊົນ, ວັດທະນະທໍາ, ກິລາ, ຄັງປັນຍາ, ວິຊາການ, ອຸດສາຫະກໍາການຄ້າ ແລະອື່ນໆຈາກປະເທດຕ່າງໆ ເຊັ່ນ: ເບຣຊິນ, ອາກຊັງຕິນ ແລະ ເມັກຊິກເປັນຕົ້ນເກືອບ 200 ຄົນໄດ້ເຂົ້າຮ່ວມການເຄື່ອນໄຫວຄັ້ງນີ້.

.md_Laos_page01 .md_hd{width:300px;}

ຄໍລຳ

ຮູບພາບ