ທ່ານສີຈິ້ນຜິງພົບປະກັບປະທານາທິບໍດີຈີເລ

ຕອນບ່າຍວັນທີ 15 ພະຈິກນີ້, ໃນໄລຍະເຂົ້າຮ່ວມກອງປະຊຸມຜູ້ນຳເສດຖະກິດອົງການຮ່ວມມືເສດຖະກິດອາຊີປາຊີຟິກຫຼື APEC ຄັ້ງທີ31 ຢູ່ນະຄອນຫຼວງລີມາ ປະເທດເປຣູ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານໂບຣິກ ປະທານາທິບໍດີຈີເລ.

ໃນໂອກາດນີ້, ທ່ານສີຈິ້ນຜິງ ກ່າວວ່າ: ຈີເລເປັນປະເທດທຳອິດຢູ່ອາເມຣິກາລາຕິນທີ່ໄດ້ສ້າງຕັ້ງສາຍພົວພັນທາງການທູດກັບສປ ຈີນ. ຈີນຍິນດີຮ່ວມກັບຈີເລຖືເອົາປີໜ້າທີ່ເປັນປີແຫ່ງການສ້າງຕັ້ງສາຍພົວພັນທາງການທູດຈີນ-ຈີເລຄົບຮອບ55ປີເປັນໂອກາດທີ່ດີ ເພື່ອຮັດແໜ້ນການແລກປ່ຽນທາງດ້ານຍຸດທະສາດ, ລົງເລິກການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ຮ່ວມກັນແບ່ງປັນໂອກາດການພັດທະນາ, ຊຸກຍູ້ສາຍພົວພັນຄູ່ຮ່ວມຍຸດທະສາດຮອບດ້ານຈີນ-ຈີເລໃຫ້ໄດ້ຮັບການຂະຫຍາຍຕົວອັນໃໝ່ໃຫຍ່ຫຼວງກວ່າເກົ່າ ແລະ ສ້າງຜົນປະໂຫຍດໃຫ້ແກ່ປະຊາຊົນສອງຊາດໄດ້ເປັນຢ່າງດີກວ່າເກົ່າ.

ທ່ານໂບຣິກກ່າວວ່າ: “ກ່ອນເດີນທາງຢ້ຽມຢາມເປຣູຄັ້ງນີ້, ຂ້າພະເຈົ້າໄດ້ເຂົ້າຮ່ວມງານວາງສະແດງປຶ້ມສາກົນຄັ້ງໜຶ່ງຢູ່ນະຄອນຫຼວງຊັງຕີອາໂກ, ຢູ່ທີ່ແຫ່ງນັ້ນໄດ້ວາງສະແດງບົດນິພົນທັງໝົດຂອງທ່ານ, ສິ່ງນີ້ໄດ້ເຮັດໃຫ້ຂ້າພະເຈົ້າຮູ້ສຶກປິຕິຊົມຊື່ນເປັນຢ່າງຍິ່ງ. ການທີ່ສາຍພົວພັນລະຫວ່າງສອງປະເທດພວກເຮົາຈະສືບຕໍ່ໄດ້ຮັບການຂະຫຍາຍຕົວໃນອະນາຄົດແມ່ນເປັນຍ້ອນໄດ້ຮັບຜົນປະໂຫຍດຈາກສັນຍາການຮ່ວມມືຫຼາຍສະບັບລະຫວ່າງສອງປະເທດ ແລະຍັງເປັນຍ້ອນໄດ້ຮັບຜົນປະໂຫຍດຈາກການສົນທະນາດ້ານວັດທະນະທຳແລະການແລກປ່ຽນດ້ານການສຶກສາລະຫວ່າງສອງປະເທດນຳອີກ.”

.md_Laos_page01 .md_hd{width:300px;}

ຄໍລຳ

ຮູບພາບ