ທ່ານສີຈິ້ນຜິງ ພົບປະກັບ ທ່ານໂຈ ໄບເດັນ

ຕອນບ່າຍວັນທີ 16 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານໂຈ ໄບເດັນ ປະທານາທິບໍດີອາເມຣິກາ ຢູ່ນະຄອນຫຼວງລີມາປະເທດເປຣູ.

ທ່ານສີຈິ້ນຜິງກ່າວວ່າ: ຂະບວນການຂະຫຍາຍຕົວຂອງສາຍພົວພັນລະຫວ່າງຈີນ-ອາເມຣິກາ ໄດ້ພິສູດໃຫ້ເຫັນເຖິງບົດຮຽນແຫ່ງການສ້າງຕັ້ງສາຍພົວພັນທາງການທູດຈີນ-ອາເມຣິກາໃນຮອບ 45 ປີມານີ້ ຄື: ຖ້າວ່າສອງປະເທດເປັນຄູ່ຮ່ວມມື, ເປັນໝູ່ເພື່ອນ, ສະແຫວງຫາສິ່ງທີ່ຄືກັນແລະສະຫງວນສິ່ງທີ່ຕ່າງກັນ, ສ້າງຜົນປະໂຫຍດໃຫ້ແກ່ກັນ, ສາຍພົວພັນລະຫວ່າງຈີນ-ອາເມຣິກາກໍຈະໄດ້ຮັບການພັດທະນາຢ່າງວ່ອງໄວ. ຖ້າວ່າສອງປະເທດເປັນຄູ່ແຂ່ງຂັນກັນ, ເປັນປໍລະປັກກັນ, ສອງຝ່າຍແຂ່ງຂັນແບບທຳຮາຍເຊິ່ງກັນແລະກັນ, ສາຍພົວພັນລະຫວ່າງສອງປະເທດກໍຈະປະສົບຄວາມຫຍຸ້ງຍາກຈົນກະທັ້ງຖອຍຫຼັງຄືນອີກ. ຈີນແລະອາເມຣິກາເປັນປະເທດໃຫຍ່ຢູ່ໃນໂລກ, ຄວນຄຳນຶງເຖິງຜົນປະໂຫຍດຂອງທົ່ວໂລກ, ເພີ່ມຄວາມແນ່ນອນ ແລະ ພະລັງທາງບວກຫຼາຍກວ່າເກົ່າໃຫ້ແກ່ໂລກທີ່ມີຄວາມປັ່ນປ່ວນໃນປັດຈຸບັນ.

ຂ້າພະເຈົ້າມີຄວາມເຫັນມາໂດຍຕະຫຼອດວ່າ: ໃນຖານະເປັນການພົວພັນສອງຝ່າຍທີ່ສຳຄັນທີ່ສຸດຢູ່ໃນໂລກ, ການພົວພັນລະຫວ່າງຈີນ-ອາເມຣິກາຂະຫຍາຍຕົວຢ່າງໝັ້ນທ່ຽງແມ່ນກ່ຽວພັນເຖິງປະຊາຊົນສອງຊາດ ທັງກ່ຽວພັນເຖິງຊາຕາກຳຂອງມວນມະນຸດ. ສອງຝ່າຍຈີນ-ອາເມຣິກາຄວນເລີ່ມຈາກຄວາມສຸກຂອງປະຊາຊົນສອງຊາດແລະຜົນປະໂຫຍດຮ່ວມຂອງປະຊາຄົມໂລກ, ມີການຄັດເລືອກທີ່ຖືກຕ້ອງ, ສອບຕໍ່ຊອກຄົ້ນວິທີການທີ່ສອງປະເທດປະຕິບັນຕໍ່ກັນຢ່າງຖືກຕ້ອງ ເພື່ອບັນລຸໃຫ້ສອງປະເທດຢູ່ຮ່ວມກັນໂດຍສັນຕິຢ່າງຍາວນານໃນໂລກນີ້.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ