ທ່ານ ກິມເຈີງອຸນ ລົງນາມໃນລັດຖະດຳລັດໃຫ້ສັດຕະຍາບັນສົນທິສັນຍາວ່າດ້ວຍສາຍພົວພັນຄູ່ຮ່ວມຍຸດທະສາດຮອບດ້ານ ສປປ ເກົາຫຼີ-ຣັດເຊຍ

cri2024-11-12 15:32:40

ວັນທີ 11 ພະຈິກນີ້, ທ່ານ ກິມເຈີງອຸນ ປະທານຄະນະກຳມະການແຫ່ງລັດ ສປປ ເກົາຫຼີໄດ້ລົງນາມໃນລັດຖະດຳລັດໃຫ້ສັດຕະຍາບັນສົນທິສັນຍາວ່າດ້ວຍສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ແລະ ສະຫະພັນຣັດເຊຍທີ່ສອງຝ່າຍໄດ້ລົງນາມກັນໃນວັນທີ 19 ມິຖຸນາ 2024.

ສົນທິສັນຍາສະບັບດັ່ງກ່ວລະບຸວ່າ: ສອງຝ່າຍຈະປະຕິບັດຕາມກົດໝາຍຂອງປະເທດຕົນ ແລະ ພັນທະສາກົນ, ບົນພື້ນຖານຂອງຫຼັກການເຄົາລົບອະທິປະໄຕເໜືອຜືນແຜ່ນດິນ, ບໍ່ລ່ວງລ້ຳຜືນແຜ່ນດິນ, ບໍ່ແຊກແຊງວຽກງານພາຍໃນ ແລະສະເໝີພາບກັນ, ປົກປັກຮັກສາ ແລະ ພັດທະນາສາຍພົວພັນຄູ່ຮ່ວມຍຸດທະສາດຮອບດ້ານເປັນໄລຍະຍາວ. ສອງຝ່າຍໄດ້ເປິກສາຫາລື ແລະ ສ້າງກົນໄກການເຄື່ອນໄຫວຮ່ວມ, ເພີ່ມທະວີຄວາມສາມາດດ້ານການປ້ອງກັນປະເທດ ເພື່ອຫຼີກລ່ຽງບໍ່ໃຫ້ເກີດສົງຄາມ, ຮັບປະກັນສັນຕິພາບ ແລະ ຄວາມໝັ້ນຄົງໃນພາກພື້ນ ແລະ ສາກົນ.

.md_Laos_page01 .md_hd{width:300px;}

ຄໍລຳ