ຈີນສະໜັບສະໜູນການປະຕິຮູບສະພາຄວາມໝັ້ນຄົງອົງການສະຫະປະຊາຊາດຢ່າງຮອບດ້ານ ແລະ ເປັນລະບົບ

ວັນທີ 11 ພະຈິກນີ້, ກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 79 ໄດ້ຈັດກອງປະຊຸມເປິກສາຫາລືວຽກງານທີ່ນັ່ງ ແລະ ການປະຕິຮູບຂອງສະພາຄວາມໝັ້ນຄົງອົງການສະຫະປະຊາຊາດ. ໃນກອງປະຊຸມດັ່ງກ່າວ, ຜູ້ຕາງໜ້າຖາວອນຂອງຈີນກ່າວວ່າ: ຈີນສະໜັບສະໜູນການປະຕິຮູບສະພາຄວາມໝັ້ນຄົງອົງການສະຫະປະຊາຊາດຢ່າງຮອບດ້ານ, ມີຄວາມໝາຍ ແລະ ເປັນລະບົບ.

ທ່ານຟູ້ຊົ່ງ ຜູ້ຕາງໜ້າຖາວອນຈີນປະຈຳອົງການສະຫະປະຊາຊາດກ່າວວ່າ: ການເຄື່ອນໄຫວ ຂອງສະພາຄວາມໝັ້ນຄົງອົງການສະຫະປະຊາຊາດໃນປັດຈຸບັນນີ້ໄດ້ຮັບກະທົບຈາກການເມືອງມະຫາອຳນາດ, ການເປັນປໍລະປັກກັນດ້ານພູມິປະເທດ ແລະ ສອງມາດຕະຖານ, ຄວາມສັກສິດ ແລະ ຄວາມໜ້າເຊື່ອຖືຂອງສະພາຄວາມໝັ້ນຄົງໄດ້ຖືກທຳລາຍຢ່າງບໍ່ຢຸດຢັ້ງ, ການປະທະກັນຢູ່ເຂດກາຊາໄດ້ດຳເນີນມາຫຼາຍກວ່າ 1 ປີແລ້ວ, ໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບເປັນຈຳນວນຫຼວງຫຼາຍ ແລະ ມີການທຳລາຍພື້ນຖານໂຄງລ່າງຢ່າງໜັກໜ່ວງແບບບໍ່ເຄີຍມີມາກ່ອນ. ປະເທດຈຳນວນໜຶ່ງໄດ້ຂັດຂວາງສະພາຄວາມໝັ້ນຄົງເທື່ອແລ້ວເທື່ອອີກໃນການປະຕິບັດການເຄື່ອນໄຫວອັນເຂັ້ມແຂງ, ເຖິງວ່າມະຕິໄດ້ຮັບຮອງເອົາແລ້ວ, ແຕ່ຊ້ຳພັດບໍ່ໄດ້ຮັບການຈັດຕັ້ງປະຕິບັດຢ່າງບັງເກີດຜົນ, ກໍລະນີແບບນີ້ບໍ່ຄວນແກ່ຍາວໄປອີກ ແລະ ຮັບເອົາບໍ່ໄດ້. ຈີນສະໜັບສະໜູນການປະຕິຮູບສະພາຄວາມໝັ້ນຄົງອົງການສະຫະປະຊາຊາດຢ່າງຮອບດ້ານ, ມີຄວາມໝາຍ ແລະ ເປັນລະບົບ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ