ຈັດກອງປະຊຸມເທື່ອທີ 6 ຂອງໜ່ວຍງານການເງິນຈີນ-ອາເມຣິກາ

CRI2024-11-01 11:03:35

ໜ່ວຍງານການເງິນຈີນ-ອາເມຣິກາໄດ້ຈັດກອງປະຊຸມເທື່ອທີ 6 ຢູ່ນະຄອນຫຼວງວໍຊິງຕັນຂອງອາເມຣິກາ ໃນໄລຍະຈັດກອງປະຊຸມປະຈໍາປີ 2024 ຂອງກອງທຶນເງິນຕາສາກົນ ຫຼື IMF ແລະ ທະນາຄານໂລກເມື່ອເດືອນຕຸລາຜ່ານມາ.

ໃນໂອກາດນີ້, ສອງຝ່າຍໄດ້ດໍາເນີນການເປິກສາຫາລືດ້ານວິຊາການ, ຕິດແທດຕົວຈິງ, ກົງໄປກົງມາ ແລະ ມີລັກສະນະສ້າງສັນກ່ຽວກັບສະພາບການເງິນ-ເສດຖະກິດມະຫາພາກຂອງສອງປະເທດ, ນະໂຍບາຍການເງິນ-ເງິນຕາ, ຄວາມໝັ້ນຄົງດ້ານການເງິນ ແລະ ການຕິດຕາມຄຸ້ມຄອງ, ຕະຫຼາດທຶນ, ການຕ້ານການຟອກເງິນ ແລະ ການຕ້ານການລະດົມທຶນເພື່ອການກໍ່ການຮ້າຍພ້ອມດ້ວຍຫົວຂໍ້ນະໂຍບາຍການເງິນອື່ນໆທີ່ສອງຝ່າຍໃຫ້ຄວາມສົນໃຈ.

ກອງປະຊຸມໄດ້ຮັບຟັງການລາຍງານກ່ຽວກັບຫົວຂໍ້ຕ່າງໆຈາກຄະນະຜູ້ຊ່ຽວຊານດ້ານວິຊາການຂອງສອງຝ່າຍ ເຊັ່ນ: ການສ້າງຕາຕະລາງຄວາມດຸນດ່ຽງກັນລະຫວ່າງລາຍຮັບ-ລາຍຈ່າຍສາກົນ, ການສົນທະນາກ່ຽວກັບວິກິດການທະນາຄານຄວາມສໍາຄັນດ້ານລະບົບສາກົນ ຫຼື G-SIBs, ບັນຫາດ້ານດິນຟ້າອາກາດ, ຄວາມສ່ຽງໃນຂະແໜງການປະກັນໄພ ເປັນຕົ້ນ, ພ້ອມທັງໄດ້ແລກປ່ຽນຄໍາເຫັນກ່ຽວກັບສອງຝ່າຍຄວນເຮັດແນວໃດຈຶ່ງຈະສາມາດເພີ່ມທະວີການຮ່ວມມືດ້ານການຕິດຕາມ ແລະ ຄຸ້ມຄອງການບໍລິການດ້ານການເງິນຂ້າມຊາດ.

.md_Laos_page01 .md_hd{width:300px;}

ຄໍລຳ