ໜ່ວຍວຽກງານເສດຖະກິດຈີນ ແລະ ອາເມຣິກາປະຊຸມກັນເປັນຄັ້ງທີ 6

ວັນທີ 25 ຕຸລານີ້, ທ່ານລ້ຽວໝິນ ຮອງລັດຖະມົນຕີກະຊວງການເງິນຈີນ ແລະ ທ່ານເຈ ຊຳບາວ ຮອງລັດຖະມົນຕີກະຊວງການເງິນອາເມຣິກາ ໄດ້ຮ່ວມກັນເປັນປະທານຈັດກອງປະຊຸມໜ່ວຍວຽກງານເສດຖະກິດຈີນ ແລະ ອາເມຣິກາ ໃນຂະນະທີ່ທ່ານລ້ຽວໝິນເຂົ້າຮ່ວມກອງປະຊຸມປະຈຳປີຂອງທະນາຄານໂລກ ແລະ ອົງການກອງທຶນເງິນຕາສາກົນຢູ່ນະຄອນຫຼວງວໍຊິງຕັນຂອງອາເມຣິກາ. ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງ, ຕິດແທດຕົວຈິງ ແລະ ເປັນການສ້າງສັນຕໍ່ຫົວຂໍ້ຕ່າງໆ ເຊັ່ນ: ສະພາບການ ແລະ ນະໂຍບາຍເສດຖະກິດມະຫາພາກຂອງສອງປະເທດ, ການຮັບມືກັບສິ່ງທ້າທາຍລະດັບໂລກ ລວມທັງການຮ່ວມມືກັນເພື່ອຊ່ວຍເຫຼືອປະເທດທີ່ມີລາຍຮັບຕ່ຳໃນການຮັບມືກັບສິ່ງທ້າທາຍຈາກສະພາບຄ່ອງ ແລະ ການຈັດວາງການພົບປະແລກປ່ຽນກັນລະຫວ່າງສອງຝ່າຍໃນຄັ້ງຕໍ່ໄປເປັນຕົ້ນ. ຝ່າຍຈີນໄດ້ແນະນຳສະພາບເສດຖະກິດມະຫາພາກຂອງຈີນໃນປັດຈຸບັນ ແລະ ນະໂຍບາຍຕ່າງໆເພື່ອຊຸກຍູ້ການພັດທະນາເສດຖະກິດທີ່ພວມນຳໃຊ້ເມື່ອບໍ່ດົນມານີ້ ພ້ອມທັງສະແດງຄວາມເປັນຫ່ວງຕໍ່ອາເມຣິກາທີ່ໃຊ້ມາດຕະການບາງຢ່າງຕໍ່ຝ່າຍຈີນ ເຊັ່ນ: ຂຶ້ນພາສີສິນຄ້າ ແລະ ການລົງໂທດທີ່ກ່ຽວພັນເຖິງຣັດເຊຍເປັນຕົ້ນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ໂພສເຕີຂອງຟິມສາລະຄະດີ "ເງົາມືດປົກຄຸມອູລຸມກີ"

ທິວທັດໃບໄມ້ແດງແລະດອກໄມ້ເຫຼືອງຍາມທ້າຍລະດູໃບໄມ້ຫຼົ່ນທີ່ສວຍງາມ