ຈີນກ່າວຟ້ອງການາດາທີ່ເກັບພາສີເພີ່ມ100%ຕໍ່ລົດໄຟຟ້າທີ່ນຳເຂົ້າຈາກຈີນ

ວັນທີ 2 ຕຸລານີ້, ໂຄສົກກະຊວງການຄ້າຈີນຈັດກອງປະຊຸມຖະແຫຼງຂ່າວ.

ມີນັກຂ່າວຖາມວ່າ: ອີງຕາມຖະແຫຼງການຂອງການາດາໃນກ່ອນໜ້ານີ້, ການາດາເກັບພາສີເພີ່ມ100%ຕໍ່ລົດໄຟຟ້າທີ່ນຳເຂົ້າຈາກຈີນ ເຊິ່ງຈະເລີ່ມມີຜົນບັງຄັບໃຊ້ຢ່າງເປັນທາງການນັບແຕ່ວັນທີ 1 ຕຸລານີ້ເປັນຕົ້ນໄປ. ມື້ດຽວກັນ, ການາດາຍັງໄດ້ປະກາດລາຍຊື່ຜະລິດຕະພັນທີ່ຈະເກັບພາສີເພີ່ມ25%ຕໍ່ເຄື່ອງເຮັດດ້ວຍເຫຼັກກ້າແລະອາລຸຍມີນຽນທີ່ນຳເຂົ້າຈາກຈີນຢ່າງເປັນທາງການນັບແຕ່ວັນທີ22ຕຸລານີ້ເປັນຕົ້ນໄປ. ຂໍຖາມແດ່ກະຊວງການຄ້າຈີນມີຄວາມເຫັນແນວໃດຕໍ່ກັບເລື່ອງນີ້?

ໂຄສົກຜູ້ນີ້ຕອບວ່າ: ຈີນໄດ້ສະເໜີການຟ້ອງຮ້ອງຕໍ່ອົງການການຄ້າໂລກກ່ຽວກັບລັດທິຝ່າຍດຽວແລະລັດທິປົກປ້ອງການຄ້າຂອງການາດາ, ທັງໄດ້ດຳເນີນການສຳຫຼວດຕາມກົດໝາຍເພື່ອຕ້ານການຈຳແນກດູໝີ່ນຕໍ່ມາດຕະການຈຳກັດທີ່ກ່ຽວຂ້ອງຂອງການາດາ. ຈີນຈະໃຊ້ມາດຕະການອັນຈຳເປັນທຸກຢ່າງ, ເດັດດ່ຽວປົກປ້ອງສິດແລະຜົນປະໂຫຍດອັນເປັນທຳຂອງວິສາຫະກິດຈີນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ການເຂົ້າຊົມການຊັກທຸງຊາດຂຶ້ນສູ່ຍອດເສົາຢູ່ສະໜາມຫຼວງທ່ຽນອ່ານເມີນເປັນພິທີສຳຄັນໃນໃຈຂອງປະຊາຊົນຈີນ