ອິດສະຣາແອນໂຈມຕີທາງອາກາດຕໍ່ແຂວງໂຫເດດາຂອງເຢເມນເຮັດໃຫ້ມີຜູ້ເສຍຊີວິດແລະບາດເຈັບຢ່າງໜ້ອຍ 53 ຄົນ

ອີງຕາມການລາຍງານຂ່າວຈາກສະຖານີໂທລະພາບອານມາຊີຣາສທີ່ຄວບຄຸມໂດຍກຳລັງປະກອບອາວຸດຮູທີເຢເມນໃນວັນທີ 29 ກັນຍານີ້ວ່າ: ໃນມື້ດຽວກັນ ອິດສະຣາແອນໄດ້ໂຈມຕີທາງອາກາດຕໍ່ແຂວງໂຫເດດາທີ່ພາກຕາເວັນຕົກຂອງເຢເມນ, ເຮັດໃຫ້ມີຜູ້ເສຍຊີວິດຢ່າງໜ້ອຍ 4 ຄົນແລະໄດ້ຮັບຜູ້ບາດເຈັບອີກ 49 ຄົນ.

ວັນທີ 29 ກັນຍານີ້, ກອງທັບປ້ອງກັນປະເທດອິດສະຣາແອນໄດ້ພິມບົດຄວາມລົງສື່ສັງຄົມອອນລາຍວ່າ: ມີຍົນທະຫານຂອງອິດສະຣາແອນຫຼາຍສິບລຳລວມທັງຍົນຮົບ, ຍົນຕື່ມນ້ຳມັນແລະຍົນສອດແນມ, ໄດ້ໂຈມຕີທາງອາກາດເຂົ້າໃສ່ໂຮງໄຟຟ້າຢູ່ເຂດບໍລິເວນຂອງທ່າກຳປັ່ນໂຫເດດາແລະທ່າກຳປັ່ນຣັສ ອີຊາຂອງເຢເມນທີ່ຄວບຄຸມໂດຍກຳລັງປະກອບອາວຸດຮູທີ. ການໂຈມຕີທາງອາກາດໃນຄັ້ງນີ້ແມ່ນການຕອບໂຕ້ການໂຈມຕີຕໍ່ອິດສະຣາແອນຈາກກຳລັງປະກອບອາວຸດຮູທີໃນຫວ່າງມໍ່ໆນີ້.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ທ່ານ ໂຈ່ວເວີຍຈົ່ງ ເຮັດໃຫ້ຊີວິດຂອງຊາວບ້ານນັບມື້ນັບຈະເລີນຮຸ່ງເຮືອງຂຶ້ນ