ທະນາຄານພັດທະນາໃໝ່ປະເທດບຣິກສຈະເປີດກວ້າງການລະດົມທຶນດ້ວຍເງິນຕາຂອງປະເທດສະມາຊິກຕົນເອງ

ທ່ານນາງ ເດວມາ ໂຣເຊຟ ຜູ້ວ່າການທະນາຄານພັດທະນາໃໝ່ປະເທດບຣິກສໄດ້ຢືນຢັນຢູ່ນະຄອນຫຼວງເຄັບທາວເຊິ່ງເປັນນະຄອນຫຼວງດ້ານນິຕິບັນຍັດຂອງປະເທດອາຟຣິກາໃຕ້ໃນຫວ່າງມໍ່ໆມານີ້ວ່າ: ທະນາຄານພັດທະນາໃໝ່ປະເທດບຣິກສຈະເປີດກວ້າງການລະດົມທຶນດ້ວຍເງິນຕາຂອງປະເທດສະມາຊິກຕົນເອງ ເພື່ອສະໜັບສະໜູນກຸ່ມເສດຖະກິດຈະເລີນໃໝ່ ແລະ ປະເທດພວມພັດທະນາໃຫ້ໄດ້ຮັບການພັດທະນາແບບຍືນຍົງ.

ກອງປະຊຸມປະຈໍາປີສະພາມົນຕີຄັ້ງທີ 9 ຂອງທະນາຄານພັດທະນາໃໝ່ປະເທດບຣິກສໄດ້ຈັດຂຶ້ນຢູ່ນະຄອນຫຼວງເຄັບທາວໃນລະຫວ່າງວັນທີ 29-31 ສິງຫາແລ້ວນີ້ ໂດຍມີຫົວຂໍ້ຕົ້ນຕໍວ່າ “ລົງທຶນຕໍ່ອະນາຄົດທີ່ມີຄວາມຍືນຍົງ”. ທ່ານນາງ ໂຣເຊຟ ໄດ້ກ່າວໃນພິທີໄຂກອງປະຊຸມວ່າ: ການເປີດກວ້າງການລະດົມທຶນດ້ວຍເງິນຕາຂອງປະເທດສະມາຊິກຕົນເອງເປັນໜຶ່ງໃນເປົ້າໝາຍທາງດ້ານຍຸດທະສາດຫຼັກໃນໄລຍະປີ 2022-2026 ຂອງທະນາຄານພັດທະນາໃໝ່ປະເທດບຣິກສ. ທະນາຄານດັ່ງກ່າວພວມສ້າງເວທີລະດົມທຶນດ້ວຍເງິນຕາຂອງປະເທດສະມາຊິກ ຕົນເອງທີ່ຖືເອົາການພັດທະນາແບບຍືນຍົງເປັນທິດທາງ ແລະ ຍັງມີເປົ້າໝາຍຈະຍົກສູງອັດຕາສ່ວນການລະດົມທຶນດ້ວຍເງິນຕາຂອງປະເທດສະມາຊິກຕົນເອງໃຫ້ຂຶ້ນເປັນ 30%.

ທະນາຄານພັດທະນາໃໝ່ປະເທດບຣິກສເປັນທະນາຄານພັດທະນາຂອບຫຼາຍຝ່າຍທີ່ຮ່ວມກັນສ້າງຂຶ້ນໂດຍຈີນ, ເບຣຊິນ, ຣັດເຊຍ, ອິນເດຍ ແລະ ອາຟຣິກາໃຕ້ເມື່ອປີ 2015, ມີສໍານັກງານໃຫຍ່ຕັ້ງຢູ່ນະຄອນຊຽງໄຮ້ຂອງຈີນ, ມີຈຸດທະສົງເພື່ອສະໜັບສະໜູນພື້ນຖານໂຄງລ່າງ ແລະ ໂຄງການພັດທະນາແບບຍືນຍົງຂອງສະມາຊິກປະເທດບຣິກສ, ກຸ່ມເສດຖະກິດຈະເລີນໃໝ່ ແລະ ປະເທດພວມພັດທະນາອື່ນໆ, ເສີມຂະຫຍາຍບົດບາດເພີ່ມເຕີມໃຫ້ແກ່ອົງການການທະນາຄານຫຼາຍຝ່າຍ ແລະ ພາກພື້ນທີ່ມີໄວ້ໃນປັດຈຸບັນ, ຊຸກຍູ້ການເຕີບໂຕ ແລະ ພັດທະນາຂອງໂລກ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ໂຄງການ “ສວນເຕັກໂນໂລຊີຈີນ-ອາຟຣິກາ” ໄດ້ຖ່າຍທອດບົດຮຽນໄປຮອດອາຟຣິກາ