ເລຂາທິການໃຫຍ່ອົງການ ສປຊ ຮຽກຮ້ອງໃຫ້ອິດສະຣາແອນຍຸດຕິການເຄື່ອນໄຫວທາງການທະຫານຢູ່ຝັ່ງຕາເວັນຕົກຂອງແມ່ນ້ຳຈໍແດນໃນທັນທີ

cri2024-08-30 12:44:16

ວັນທີ 29 ສິງຫານີ້, ທ່ານສເຕຟານ ດູຈາຣິກ ໂຄສົກຂອງ ເລຂາທິການໃຫຍ່ອົງການສະຫະປະຊາຊາດ ຫຼື ສປຊ ໄດ້ຢືນຢັນໃນກອງປະຊຸມຖະແຫຼງຂ່າວວ່າ: ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການ ສປຊ ມີຄວາມເປັນຫ່ວງຫຼາຍຕໍ່ສະຖານະການຫຼ້າສຸດທີ່ເກີດຂຶ້ນຢູ່ຝັ່ງຕາເວັນຕົກຂອງແມ່ນ້ຳຈໍແດນ, ດັ່ງນັ້ນ, ຈິ່ງຮຽກຮ້ອງໃຫ້ອິດສະຣາແອນຍຸດຕິການເຄື່ອນໄຫວທາງການທະຫານຢູ່ຝັ່ງຕາເວັນຕົກຂອງແມ່ນ້ຳຈໍແດນໃນທັນທີ.

ທ່ານດູຈາຣິກກ່າວຕື່ມວ່າ: ວັນທີ 28 ສິງຫານີ້, ອິດສະຣາແອນໄດ້ດຳເນີນການເຄື່ອນໄຫວທາງການທະຫານຂະໜາດໃຫຍ່ຢູ່ຝັ່ງຕາເວັນຕົກຂອງແມ່ນ້ຳຈໍແດນ, ເຮັດໃຫ້ມີຄົນເສຍຊີວິດແລະໄດ້ຮັບບາດເຈັບ ພ້ອມທັງເຮັດໃຫ້ພື້ນຖານໂຄງລ່າງພົນລະເຮືອນຖືກທຳລາຍ. ສະພາບການເຫຼົ່ານີ້ໄດ້ເຮັດໃຫ້ສະຖານະການຢູ່ຝັ່ງຕາເວັນຕົກຂອງແມ່ນ້ຳຈໍແດນທີ່ເຄັ່ງຕຶງຢູ່ແລ້ວຍິ່ງຮຸນແຮງຂຶ້ນຕື່ມອີກ ແລະໄດ້ບັ່ນທອນອົງການອຳນາດແຫ່ງຊາດຂອງປາແລັດສະຕິນຕື່ມອີກ, ອິດສະຣາແອນຄວນຍຸດຕິການເຄື່ອນໄຫວເຫຼົ່ານີ້ໃນທັນທີ.

.md_Laos_page01 .md_hd{width:300px;}

ຄໍລຳ