ເອກອັກຄະລັດຖະທູດຈີນປະຈຳອາເມຣິກາກ່າວວ່າ: ການພົວພັນຈີນ-ອາເມຣິກາບໍ່ຄວນແມ່ນເກມແບບເຈົ້າໄດ້ຂ້ອຍເສຍ

cri2024-08-29 10:54:14

ວັນທີ 27 ສິງຫານີ້, ທ່ານເຊ້ຍເຟີ່ງ ເອກອັກຄະລັດຖະທູດຈີນປະຈຳອາເມຣິກາໄດ້ກ່າວຄວາມເຫັນໃນກອງປະຊຸມເວທີເປິກສາຫາລືການຄ້າອາເມຣິກາ-ຈີນ Forbes ຄັ້ງທີ 6 ທີ່ຈັດຂຶ້ນຢູ່ນະຄອນນິວຢອກຂອງອາເມຣິກາ.

ທ່ານເຊ້ຍເຟີ່ງກ່າວວ່າ: ການພົວພັນຈີນ-ອາເມຣິກາບໍ່ຄວນແມ່ນເກມແບບເຈົ້າໄດ້ຂ້ອຍເສຍ, ເມື່ອປະເຊີນໜ້າກັບສະພາບການໃໝ່ແລະສິ່ງທ້າທາຍໃໝ່, ການຖິ້ມຄວາມຮັບຜິດຊອບໃຫ້ຜູ້ອື່ນຈະບໍ່ສາມາດແກ້ໄຂບັນຫາໄດ້, ການກໍ່ສົງຄາມການຄ້າ, ສົງຄາມອຸດສາຫະກຳແລະສົງຄາມວິທະຍາສາດເຕັກໂນໂລຊີ ຍິ່ງຈະບໍ່ມີຝ່າຍໃດຊະນະ. ຈີນແລະອາເມຣິກາຄວນເຄົາລົບສິດການພັດທະນາຂອງກັນແລະກັນ, ຍຶດໝັ້ນຫຼັກການທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ຊອກຫາວິທີແກ້ໄຂບັນຫາໂດຍຜ່ານການສົນທະນາແລະເປິກສາຫາລືກັນ, ພັດທະນາຂົງເຂດການຮ່ວມມືດັ້ງເດີມ ເຊັ່ນ: ເສດຖະກິດການຄ້າແລະກະສິກຳເປັນຕົ້ນໃຫ້ເຕີບໃຫຍ່ຂະຫຍາຍຕົວ, ບົ່ມເພາະຈຸດເຕີບໂຕດ້ານການຮ່ວມມືຕ່າງໆ ເຊັ່ນ: ການຮັບມືກັບການປ່ຽນແປງຂອງດິນຟ້າອາກາດ, ປັນຍາປະດິດແລະອື່ນໆ ເພື່ອສະແຫວງຫາການບັນລຸເປົ້ໝາຍໃຫ້ຈີນ-ອາເມຣິກາກໍຄືທົ່ວໂລກຕ່າງຝ່າຍຕ່າງໄດ້ຮັບຜົນປະໂຫຍດນຳກັນ.

.md_Laos_page01 .md_hd{width:300px;}

ຄໍລຳ