ປະທານາທິບໍດີແມັກຊິກກ່າວວ່າໄດ້ຍຸດຕິການພົວພັນກັບສະຖານທູດອາເມຣິກາປະຈຳແມັກຊິກເປັນການຊົ່ວຄາວ

ວັນທີ 27 ສິງຫານີ້ຢູ່ນະຄອນຫຼວງແມັກຊີໂກຊີຕີຂອງປະເທດແມັກຊິກ, ທ່ານໂລເປສ ປະທານາທິບໍດີແມັກຊິກກ່າວວ່າ: ແມັກຊິກໄດ້ຍຸດຕິການພົວພັນກັບສະຖານທູດອາເມຣິກາປະຈຳແມັກຊິກເປັນການຊົ່ວຄາວແລ້ວ, ເພື່ອເປັນການຕອບໂຕ້ຖ້ອຍຄວາມຂອງທ່ານຊາລາຊາຣ໌ ເອກອັກຄະລັດຖະທູດອາເມຣິກາປະຈຳແມັກຊິກກ່ຽວກັບການປະຕິຮູບດ້ານຕຸລາການຂອງແມັກຊິກໃນຫວ່າງກ່ອນນີ້ບໍ່ດົນ.

ໃນກອງປະຊຸມຖະແຫຼງຂ່າວຂອງແມັກຊິກທີ່ຈັດຂຶ້ນໃນວັນທີ 27 ສິງຫານີ້, ທ່ານໂລເປສ ກ່າວວ່າ, ຫວ່າງກ່ອນນີ້ບໍ່ດົນ, ທ່ານຊາລາຮາຣ໌ ເອກອັກຄະລັດຖະທູດອາເມຣິກາປະຈຳແມັກຊິກໄດ້ຕຳໜິວິຈານຕໍ່ການປະຕິຮູບດ້ານຕຸລາການຂອງລັດຖະບານແມັກຊິກ, ສະນັ້ນ, ແມັກຊິກຈຶ່ງຕົກລົງຍຸດຕິການພົວພັນກັບສະຖານທູດອາເມຣິກາປະຈຳແມັກຊິກເປັນການຊົ່ວຄາວ. ທ່ານກ່າວວ່າ: “ພວກເຂົາຕ້ອງຮຽນຮູ້ເຄົາລົບນັບຖືອະທິປະໄຕຂອງແມັກຊິກ, ນີ້ບໍ່ແມ່ນເລື່ອງນ້ອຍ.” ທ່ານໂລເປສຍັງກ່າວອີກວ່າ, ແມັກຊິກຍັງຈະຮັກສາສາຍພົວພັນສອງຝ່າຍກັບອາເມຣິກາ. ນອກນັ້ນທ່ານໂລເປສໄດ້ປະກາດຕື່ມອີກວ່າ, ແມັກຊິກຍັງໄດ້ຕົກລົງຍຸດຕິການພົວພັນກັບສະຖານທູດການາດາປະຈຳແມັກຊິກຍ້ອນສາເຫດໃນເລື່ອງດຽວກັນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ລົດເມພິເສດກາຍເປັນທີ່ສົນໃຈໃນສັງຄົມຈີນ