ກິດຈະກຳສາຍຮູບເງົາ-ໂທລະພາບ “ຄວາມຮັກແພງລະຫວ່າງຈີນ-ອາຟຣິກາ” ຮອບທີ 5 ເລີ່ມຈັດຂຶ້ນແລ້ວຢູ່ທີ່ເລີແກ

ກິດຈະກຳສາຍຮູບເງົາ-ໂທລະພາບຈີນ “ຄວາມຮັກແພງລະຫວ່າງຈີນ- ອາຟຣິກາ” ຮອບທີ 5 ໄດ້ເລີ່ມເປີດສາກຂຶ້ນຢ່າງເປັນທາງການຢູ່ນະຄອນຫຼວງເລີແກ ປະເທດເອຢິບໃນວັນທີ 20 ສິງຫານີ້ ໂດຍຜູ້ຊົມທ້ອງຖິ່ນຕ່າງໆຈະໄດ້ເບິ່ງຮູບເງົາ ແລະ ໂທລະພາບດີເດັ່ນຂອງຈີນ 20 ເລື່ອງທີ່ພາກເປັນພາສາອັງກິດ, ພາສາຝຣັ່ງ, ພາສາອາຣັບ ແລະ ພາສາອື່ນໆທັງໝົດ 7 ພາສາ ໂດຍຜ່ານສື່ມວນຊົນສຳຄັນ 20 ກວ່າແຫ່ງຂອງ 15 ປະເທດອາຟຣິກາ.

ກິດຈະກຳເທື່ອນີ້ແມ່ນຮ່ວມຈັດຂຶ້ນໂດຍວິທະຍຸ-ໂທລະພາບສູນກາງຈີນ ຫຼື CMG ກັບສື່ມວນຊົນຂອງຫຼາຍປະເທດອາຟຣິກາ ເຊັ່ນ: ເອຢິບ, ເຄັນຢາ, ຕັງຊານີ, ເອທີໂອປີ, ບູຣູນດີ ແລະ ປະເທດອື່ນໆ, ໃນນັ້ນ, ຮູບເງົາ-ໂທລະພາບຈີນທີ່ພາກເປັນພາສາຟູນຟູນເດ ແລະ ພາສາອຳຮາຣິກ ໄດ້ຖືກນຳໄປສາຍຢູ່ອາຟຣິກາເປັນຄັ້ງທຳອິດ.

ນັບແຕ່ປີ 2021 ເປັນຕົ້ນມາ, CMG ໄດ້ຈັດກິດຈະກຳສາຍຮູບເງົາ- ໂທລະພາບຈີນ “ຄວາມຮັກແພງລະຫວ່າງຈີນ-ອາຟຣິກາມາ 4 ຮອບແລ້ວ ໂດຍໄດ້ສາຍຮູບເງົາ ແລະ ໂທລະພາບທີ່ດີເດັ່ນຂອງຈີນ 120 ກວ່າເລື່ອງ, ປະຊາຊົນອາຟຣິກາເກືອບ 500 ລ້ານຄົນໄດ້ຊົມຮູບເງົາ ແລະ ໂທລະພາບເຫຼົ່ານີ້.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ