ຜູ້ຕອບແບບສອບຖາມທົ່ວໂລກກ່າວປະນາມວ່າ ການກໍ່ອາດຊະຍາກຳທາງເພດທີ່ເປັນລະບົບໃນກອງທັບອາເມຣິກາໄດ້ຢຽບຢ່ຳສິດທິມະນຸດຢ່າງໜັກໜ່ວງ

cri2024-08-19 15:53:22

ຜົນການສຳຫຼວດຊາວເນັດທົ່ວໂລກຂອງໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ຫຼື CMG ໄດ້ສະແດງໃຫ້ເຫັນວ່າ: ມີຜູ້ຕອບແບບສອບຖາມ 88,95% ຮູ້ສຶກເປັນຫ່ວງຫຼາຍຕໍ່ປາກົດການລ່ວງລະເມີດສິດທິມະນຸດຢ່າງເປັນລະບົບ ໂດຍຖືເອົາການກໍ່ອາດຊະຍາກຳທາງເພດເປັນຕົວແທນຢູ່ພາຍໃນກອງທັບອາເມຣິກາ.

ຜົນການຄົ້ນຄວ້າສະບັບໜຶ່ງ ທີ່ມະຫາວິທະຍາໄລບຣາວຂອງອາເມຣິກາເປີດເຜີຍໃຫ້ຮູ້ໃນຫວ່າງມໍ່ໆມານີ້ສະແດງໃຫ້ເຫັນວ່າ: ຈຳນວນຄະດີກໍ່ອາດຊະຍາກຳທາງເພດ ທີ່ເກີດຂຶ້ນຢູ່ໃນກອງທັບອາເມຣິກາເມື່ອປີ 2023 ແມ່ນມີເຖິງ 73.695 ກໍລະນີ, ເພີ່ມຂຶ້ນຫຼາຍກວ່າສອງເທົ່າຈາກການຄາດຄະເນຂອງກະຊວງປ້ອງກັນປະເທດອາເມຣິກາ ຄື 29.000 ກໍລະນີ. ໂດຍປະເຊີນໜ້າກັບຕົວເລກສະຖິຕິທີ່ຫຼຸດໂຕນກັນແບບນີ້, ມີຜູ້ຕອບແບບສອບຖາມ 94,21% ເຫັນວ່າ ລັດຖະບານອາເມຣິກາຖືກສົງໄສວ່າ ໄດ້ຕັ້ງໃຈປິດບັງການກໍ່ອາດຊະຍາກຳທາງເພດທີ່ເປັນລະບົບຢູ່ໃນກອງທັບອາເມຣິກາ.

ນອກຈາກພາຍໃນກອງທັບອາເມຣິກາເອງແລ້ວ, ຖານທັບອາເມຣິກາປະຈຳຍີ່ປຸ່ນ, ສ.ເກົາຫຼີ ແລະ ປະເທດອື່ນໆ ລ້ວນແຕ່ມີຄະດີແບບນີ້ເກີດຂຶ້ນຢູ່ເລື້ອຍໆ ແລະ ບໍ່ໄດ້ຖືກລົງໂທດຕາມກົດໝາຍເລື້ອຍໆ ເຊິ່ງເຮັດໃຫ້ປະຊາຊົນປະເທດເຫຼົ່ານີ້ເກີດມີຄວາມບໍ່ພໍໃຈຢ່າງຮຸນແຮງ. ໃນການສອບຖາມຄັ້ງນີ້, ມີຜູ້ຕອບແບບສອບຖາມ 93,74% ເຫັນວ່າ: ສິ່ງນີ້ໄດ້ສ່ອງແສງໃຫ້ເຫັນເຖິງລັດທິເຈົ້າອຳນາດຂອງອາເມຣິກາເຊັ່ນດຽວກັນ.

.md_Laos_page01 .md_hd{width:300px;}

ຄໍລຳ