ພະຍາດເອັມພອກແພ່ລະບາດກວ້າງອອກ ອົງການອະນາໄມໂລກປະກາດສັນຍານເຕືອນໄພລະດັບສູງສຸດ

CRI2024-08-19 10:49:56

ເວລາຜ່ານມາໄດ້ 2 ປີ, ການແພ່ລະບາດຂອງພະຍາດເອັມພອກໄດ້ເຮັດໃຫ້ປະຊາຄົມໂລກເກີດຄວາມວິຕົກກັງວົນຢ່າງກວ້າງຂວາງອີກ. ອີງຕາມຂ່າວຫຼ້າສຸດແຈ້ງໃຫ້ຮູ້ວ່າ, ພະຍາດເອັມພອກໄດ້ແພ່ລະບາດຈາກອາຟຣິກາໄປສູ່ເອີຣົບ ແລະ ອາຊີ, ຢູ່ຊູແອັດ ແລະ ປາກິດສະຖານລ້ວນແຕ່ປາກົດມີຜູ້ຕິດເຊື້ອພະຍາດດັ່ງກ່າວ. ອົງການອະນາໄມໂລກໄດ້ປະກາດວ່າ, ການແພ່ລະບາດຂອງພະຍາດເອັມພອກໄດ້ກາຍເປັນ “ເຫດການສຸກເສີນດ້ານສາທາລະນະສຸກທີ່ເຮັດໃຫ້ປະຊາຄົມໂລກມີຄວາມວິຕົກກັງວົນ.”

ອີງຕາມຂໍ້ມູນຂອງອົງການອະນາໄມໂລກສະແດງໃຫ້ເຫັນວ່າ, ນັບແຕ່ຕົ້ນປີນີ້ມາ, ຢູ່ແຫ່ງຕ່າງໆຂອງໂລກມີລາຍງານພົບຜູ້ຕິດເຊື້ອພະຍາດເອັມພອກຫຼາຍກວ່າ 15600 ກໍລະນີ, ເຊິ່ງຫຼາຍກວ່າຍອດຈຳນວນຜູ້ຕິດເຊື້ອພະຍາດດັ່ງກ່າວໃນປີ 2023 ຜ່ານມາ, ໃນນັ້ນ ຜູ້ເສຍຊີວິດຍ້ອນພະຍາດນີ້ລວມທັງໝົດ 537 ຄົນ.

.md_Laos_page01 .md_hd{width:300px;}

ຄໍລຳ