ສະຖານະການຄວາມປອດໄພຂອງໂຮງໄຟຟ້ານິວເຄລຍຊາໂປຣີສເຊຍພວມຊຸດໂຊມລົງ

cri2024-08-19 11:05:08

ວັນທີ 17 ສິງຫານີ້, ອົງການພະລັງງານປະລະມານູສາກົນອອກຖະແຫຼງການວ່າ: ມື້ດຽວກັນ, ເສັ້ນທາງໃນເຂດອ້ອມໂຮງໄຟຟ້ານິວເຄລຍຊາໂປຣີສເຊຍເສັ້ນໜຶ່ງໄດ້ຖືກເຮືອບິນບໍ່ມີຄົນຂັບໂຈມຕີ, ເຖິງວ່າບໍ່ມີຜູ້ເສຍຊີວິດ ຫຼື ບາດເຈັບ ແລະ ກໍບໍ່ໄດ້ທຳລາຍສິ່ງກໍ່ສ້າງໂຮງໄຟຟ້ານິວເຄລຍກໍຕາມ, ແຕ່ສະຖານະການຄວາມປອດໄພດ້ານນິວເຄລຍຂອງໂຮງໄຟຟ້າແຫ່ງນີ້ພວມຊຸດໂຊມລົງ.

ທ່ານຣາເຟວ ມາເຣຍໂນ ໂກຣຊີ ຜູ້ອຳນວຍການໃຫຍ່ອົງການພະລັງງານປະລະມານູສາກົນໄດ້ສະແດງຄວາມເປັນຫ່ວງທີ່ສຸດຕໍ່ເຫດການໂຈມຕີດັ່ງກ່າວ ແລະ ກ່າວວ່າ: ຄວາມສ່ຽງດ້ານຄວາມປອດໄພນິວເຄລຍຂອງໂຮງໄຟຟ້ານິວເຄລຍຊາໂປຣີສເຊຍໄດ້ເພີ່ມຂຶ້ນຕື່ມອີກ. ທ່ານຮຽກຮ້ອງໃຫ້ທຸກຝ່າຍທີ່ກ່ຽວຂ້ອງຈົ່ງຮັກສາຄວາມອົດກັ້ນໄວ້ ແລະ ປະຕິບັດຕາມຫຼັກການຕ່າງໆ ທີ່ໄດ້ກຳນົດໄວ້ເພື່ອປົກປ້ອງໂຮງໄຟຟ້ານິວເຄລຍແຫ່ງນີ້.

ຖະແຫຼງການຍັງລະບຸຕື່ມວ່າ: ຜູ້ຊ່ຽວຊານຂອງອົງການດັ່ງກ່າວປະຈຳໂຮງໄຟຟ້ານິວເຄລຍຊາໂປຣີສເຊຍລາຍງານວ່າ: ໃນໜຶ່ງອາທິດຜ່ານມາ, ການເຄື່ອນໄຫວທາງການທະຫານຢູ່ເຂດໃກ້ຄຽງໂຮງໄຟຟ້ານິວເຄລຍແຫ່ງນີ້ດຸເດືອດທີ່ສຸດ ແລະ ປັດຈຸບັນ ກໍຍັງບໍ່ໄດ້ປາກົດມີວີແວວຈະຜ່ອນຄາຍລົງ.

.md_Laos_page01 .md_hd{width:300px;}

ຄໍລຳ