ສະຫະພາບເອີຣົບເກັບອາກອນຕ້ານຄ່າອຸດໜູນຕໍ່ລົດພະລັງງານໄຟຟ້າຂອງຈີນອາດຈະເຮັດໃຫ້ການລົງທຶນຂອງວິສາຫະກິດຈີນຫຼຸດລົງ

CRI2024-08-17 12:53:38

ວັນທີ 16 ສິງຫານີ້, ສະພາການຄ້ານຳເຂົ້າ-ສົ່ງອອກເຄື່ອງຈັກໄຟຟ້າຈີນໃຫ້ຮູ້ວ່າ, ຄາດວ່າ ກຳມາທິການສະຫະພາບເອີຣົບຈະເປີດເຜີຍຜົນການສຳຫຼວດຄັ້ງສຸດທ້າຍກ່ຽວກັບການຕ້ານຄ່າອຸດໜູນໂດຍແນໃສ່ລົດພະລັງງານໄຟຟ້າຂອງຈີນໃນທ້າຍເດືອນສິງຫານີ້, ແລະຈະກຳນົດຂໍ້ຕັດສິນຂັ້ນສຸດທ້າຍກ່ອນວັນທີ 4 ພະຈິກປີນີ້.

ສະພາການຄ້ານຳເຂົ້າ-ສົ່ງອອກເຄື່ອງຈັກໄຟຟ້າຈີນໃຫ້ຮູ້ຕື່ມວ່າ, ວິສາຫະກິດລົດພະລັງງານໄຟຟ້າຈີນພວມຕິດຕາມເອົາໃຈໃສ່ຢ່າງໃກ້ຊິດຕໍ່ຄວາມຄືບໜ້າ ແລະ ຜົນການສຳຫຼວດການຕ້ານຄ່າອຸດໜູນຂອງສະຫະພາບເອີຣົບ, ພ້ອມທັງຖືເປັນຂໍ້ມູນອ້າງອີງໃນການປະເມີນຄວາມສ່ຽງທີ່ໄປລົງທຶນຢູ່ເອີຣົບ ແລະ ວາງມາດຕະການລົງທຶນຕາມຄວາມເໝາະສົມ. ສຳລັບປະເທດສະຫະພາບເອີຣົບທີ່ມີເຈຕະນາດຶງດູດວິສາຫະກິດລົດຍົນຂອງຈີນໄປລົງທຶນນັ້ນ, ຖ້າສະໜັບສະໜູນການເພີ່ມອາກອນອາດຈະພາດໂອກາດທີ່ໄດ້ຮັບການລົງທຶນ, ເພາະວ່າ ຕະຫຼາດສະຫະພາບເອີຣົບທີ່ມີຄວາມເປີດກວ້າງ ແລະ ຍຸຕິທຳນັ້ນຈຶ່ງຈະມີແຮງຈູງໃຈຫຼາຍກວ່າຕໍ່ວິສາຫະກິດຈີນ.

.md_Laos_page01 .md_hd{width:300px;}

ຄໍລຳ