ຜູ້ຕາງໜ້າພິເສດຂອງທ່ານ ສີຈິ້ນຜິງ ເຂົ້າຮ່ວມພິທີຂຶ້ນຮັບຕໍາແໜ່ງປະທານາທິບໍດີໂດມີນິກອີກສະໄໝໜຶ່ງ

CRI2024-08-17 11:45:41

ໂດຍຕອບສະໜອງຕາມຄໍາເຊີນຂອງທ່ານ ຫຼຸຍ ໂຣໂດໂຟ ອັບບິນາເດີ ໂຄໂຣນາ ປະທານາທິບໍດີໂດມີນິກ, ວັນທີ 16 ສິງຫານີ້ຢູ່ນະຄອນຫຼວງຊັນໂຕ ໂດມິນໂກຂອງໂດມີນິກ, ທ່ານ ຈິ່ນຈວ້າງຫຼົງ ລັດຖະມົນຕີກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານຈີນ ຜູ້ຕາງໜ້າພິເສດຂອງທ່ານ ສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີຂຶ້ນຮັບຕໍາແໜ່ງປະທານາທິບໍດີໂດມີນິກອີກສະໄໝໜຶ່ງຂອງທ່ານອັບບິນາເດີ.

ໃນໂອກາດນີ້, ທ່ານ ຈິ່ນຈວ້າງຫຼົງ ໄດ້ສົ່ງຄວາມຢື້ຢາມຖາມຂ່າວອັນອົບອຸ່ນ ແລະ ຄໍາອວຍພອນໄຊອັນປະເສີດຂອງທ່ານ ສີຈິ້ນຜິງ ໃຫ້ແກ່ທ່ານ ອັບບິນາເດີ, ພ້ອມທັງສະແດງຄວາມຊົມເຊີຍມາຍັງທ່ານທີ່ໄດ້ຮັບເລືອກຕັ້ງເປັນປະທານາທິບໍດີໂດມີນິກອີກສະໄໝໜຶ່ງ. ທ່ານ ຈິ່ນຈວ້າງຫຼົງ ກ່າວວ່າ: ນັບແຕ່ຈີນ-ໂດມີນິກສ້າງຕັ້ງສາຍພົວພົນທາງການທູດນໍາກັນເປັນເວລາ 6 ປີມານີ້, ການພົວພັນລະຫວ່າງສອງປະເທດໄດ້ຮັບການພັດທະນາຢ່າງຮອບດ້ານ ແລະ ວ່ອງໄວ. ຈີນຍິນດີສຸມຄວາມພະຍາຍາມຮ່ວມກັບໂດມີນິກ, ສືບຕໍ່ສະໜັບສະໜູນເຊິ່ງກັນແລະກັນຢ່າງເດັດດ່ຽວ, ຍົກລະດັບການຮ່ວມມືທີ່ຕິດແທດຕົວຈິງໃຫ້ກ້າວຂຶ້ນສູ່ລະດັບໃໝ່, ຊຸກຍູ້ການແລກປ່ຽນດ້ານວັດທະນະທໍາລະຫວ່າງສອງປະເທດ, ຊຸກຍູ້ການພົວພັນລະຫວ່າງຈີນ-ໂດມີນິກໃຫ້ໄດ້ຮັບຜົນງານອັນອຸດົມສົມບູນກວ່າເກົ່າ ເພື່ອສ້າງຜົນປະໂຫຍດຫຼາຍກວ່າເກົ່າໃຫ້ກັບປະຊາຊົນສອງຊາດ.

ທ່ານ ອັບບິນາເດີ ກ່າວວ່າ: ການພັດທະນາສາຍພົວພັນກັບຈີນແມ່ນມີຄວາມ ໝາຍສໍາຄັນພິເສດຕໍ່ໂດມີນິກ, ໂດມີນິກຄອງຄອຍຮ່ວມກັບຈີນລົງເລິກການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໃນຂົງເຂດຕ່າງໆຕື່ມອີກ ເພື່ອຊຸກຍູ້ການພົວພັນລະຫວ່າງສອງປະເທດໃຫ້ໄດ້ຮັບການພັດທະນາຫຼາຍກວ່າເກົ່າ.

.md_Laos_page01 .md_hd{width:300px;}

ຄໍລຳ