ປະທານາທິບໍດີເອຢິບຮຽກຮ້ອງໃຫ້ຝ່າຍຕ່າງໆຮັກສາຄວາມອົດກັ້ນໄວ້ໃນລະດັບສູງ

CRI2024-08-06 10:49:04

ວັນທີ 5 ສິງຫານີ້, ໃນເວລາຕ້ອນຮັບການເຂົ້າຢ້ຽມຂ່ຳນັບຂອງທ່ານຮາຄັນ ຟິດັນ ລັດຖະມົນຕີກະຊວງການຕ່າງປະເທດຕູຣາເຄຍທີ່ໄປຢ້ຽມຢາມເອຢິບ, ທ່ານອັບດຸນ ຟາຕາ ອານ ຊີຊີ ປະທານາທິບໍດີເອຢິບກ່າວວ່າ: ຕາເວັນອອກກາງກຳລັງຢູ່ໃນສະພາບທີ່ຄາດຄະເນຍາກແລະອັນຕະລາຍທີ່ສຸດ, ຕ້ອງຮັກສາຄວາມອົດກັ້ນໄວ້ໃນລະດັບສູງ, ອອກສຽງແບບໃຈເຢັນແລະມີສະຕິປັນຍາ.

ອີງຕາມຖະແຫຼງການຂອງທຳນຽບປະທານາທິບໍດີເອຢິບ, ທ່ານຊີຊີກ່າວວ່າ: ການຜ່ອນຄາຍສະຖານະການອັນເຄັ່ງຕຶງທີ່ຮຸນແຮງຂຶ້ນເລື້ອຍໆຕ້ອງການຝ່າຍຕ່າງໆທີ່ກ່ຽວຂ້ອງແລະປະຊາຄົມໂລກພະຍາຍາມຮ່ວມກັນ, ຊຸກຍູ້ໃຫ້ຢຸດຍິງໃນທັນທີຢູ່ເຂດກາຊາ, ແລະສະໜອງໂອກາດໃຫ້ແກ່ການແກ້ໄຂບັນຫາດ້ວຍວິທີທາງການເມືອງແລະການທູດ. ສອງຝ່າຍຄວນຊຸກຍູ້ການແກ້ໄຂບັນຫາປາແລັດສະຕິນຢ່າງຮອບດ້ານບົນພື້ນຖານແຜນການສອງປະເທດ.

.md_Laos_page01 .md_hd{width:300px;}

ຄໍລຳ