ມາລີປະກາດຕັດສາຍພົວພັນທາງການທູດກັບອູແກຣນໃນທັນທີ

cri2024-08-05 12:26:32

ວັນທີ 4 ສິງຫານີ້, ລັດຖະບານຊົ່ວຄາວຂອງມາລີປະກາດແຈ້ງການວ່າ: ຈະຕັດສາຍພົວພັນທາງການທູດກັບອູແກຣນໃນທັນທີ.

ແຈ້ງການລະບຸວ່າ: ລັດຖະບານຊົ່ວຄາວຂອງມາລີເຫັນວ່າ: ຫວ່າງມໍ່ໆມານີ້, ທ່ານອັນດຣີ ຢູຊົຟ ໂຄສົກກອງທັບອູແກຣນໄດ້ປະກາດຖ້ອຍຄວາມ “ລັກສະນະປີ້ນໜ້າມືເປັນຫຼັງມື”, ໂດຍໄດ້ຍອມຮັບວ່າ, ອູແກຣນໄດ້ເຂົ້າຮ່ວມການຫຼອນໂຈມຕີທີ່ກໍ່ຂຶ້ນໂດຍກຸ່ມກໍ່ການຮ້າຍ ພາໃຫ້ທະຫານມາລີໄດ້ຮັບບາດເຈັບແລະເສຍຊີວິດ ພ້ອມທັງໄດ້ຮັບຄວາມເສຍຫາຍທາງດ້ານຊັບສິນຈາກການປະທະກັນທີ່ເກີດຂຶ້ນຢູ່ພາກຕາເວັນອອກສຽງເໜືອຂອງມາລີ.

ແຈ້ງການຍັງລະບຸວ່າ: ການກະທຳຂອງເຈົ້າໜ້າທີ່ອູແກຣນໄດ້ “ລ່ວງລ້ຳອະທິປະໄຕຂອງມາລີ, ໂດຍໄດ້ລື່ນກາຍຂອບເຂດແຫ່ງການແຊກແຊງຂອງຕ່າງປະເທດ, ກາຍເປັນການຮຸກຮານມາລີແບບບັງອາດ”. ລັດຖະບານຊົ່ວຄາວຂອງມາລີຈຶ່ງຕົກລົງຕັດສາຍພົວພັນທາງການທູດກັບອູແກຣນໃນທັນທີ.

.md_Laos_page01 .md_hd{width:300px;}

ຄໍລຳ