ປະຊາຊົນຝັ່ງຕາເວັນຕົກແມ່ນ້ຳຈໍແດນຈັດການປະທ້ວງເພື່ອຮຽກຮ້ອງໃຫ້ສິ້ນສຸດການປະທະກັນລະຫວ່າງປາແລັດສະຕິນ-ອິດສະຣາແອນ

cri2024-08-04 14:51:31

ວັນທີ 3 ສິງຫານີ້, ປະຊາຊົນປາແລັດສະຕິນຫຼາຍຮ້ອຍຄົນໄດ້ຈັດການປະທ້ວງຢູ່ຝັ່ງແມ່ນ້ຳຈໍແດນ ເພື່ອຮຽກຮ້ອງໃຫ້ສິ້ນສຸດການປະທະກັນດ້ວຍກຳລັງອາວຸດຮອບໃໝ່ລະຫວ່າງປາແລັດສະຕິນ-ອິດສະຣາແອນ ພ້ອມທັງຮຽກຮ້ອງໃຫ້ອິດສະຣາແອນປະຕິບັດຢ່າງເປັນທຳຕໍ່ຊາວປະແລັດສະຕິນທີ່ຖືກກັກຂັງຢູ່ໃນຄຸກອິດສະຣາແອນ.

ຜູ້ປະທ້ວງຢືນຢັນວ່າ: ອົງການຈັດຕັ້ງສາກົນບໍ່ຄວນເມີນເສີຍຕໍ່ເຫດການທີ່ເກີດຂຶ້ນຢູ່ໃນຄຸກອິດສະຣາແອນ, ເພາະຊາວປາແລັດສະຕິນເຫຼົ່ານັ້ນພວມຖືກທໍລະມານຢ່າງໜັກໜ່ວງ, ແມ່ຍິງ ແລະ ເດັກນ້ອຍປາແລັດສະຕິນທີ່ຢູ່ເຂດກາຊາກຳລັງປະເຊີນກັບການຖືກດັບສູນເຊື້ອຊາດເຜົ່າພັນ.

ຕົ້ນປີນີ້, ສຳນັກງານບັນເທົາທຸກ ແລະ ຈັດຫາງານຂອງອົງການສະຫະປະຊາຊາດສຳລັບຜູ້ລີ້ໄພຊາວປາແລັດສະຕິນໃນຕາເວັນອອກໃກ້ ໄດ້ປະກາດບົດລາຍງານສະບັບໜຶ່ງວ່າ: ຊາວປາແລັດສະຕິນທີ່ຖືກກັກຂັງຈຳນວນໜຶ່ງບອກວ່າ: ເຂົາເຈົ້າຖືກທໍລະມານຢູ່ໃນຄຸກອິດສະຣາແອນ. ນັກວິຈານຫຼາຍຄົນຊີ້ໃຫ້ເຫັນວ່າ: ການສືບສວນເຫດການໃຊ້ຄວາມຮຸນແຮງທີ່ກ່ຽວພັນເຖິງຊາວປາແລັດສະຕິນຂອງພາກສ່ວນຍຸຕິທຳອິດສະຣາແອນແມ່ນບໍ່ມີຄວາມຮອບດ້ານເລື້ອຍໆ, ເຖິງໄດ້ສືບສວນຢ່າງຈະແຈ້ງແລ້ວວ່າ ພະນັກງານອິດສະຣາແອນມີຄວາມຜິດ, ກໍມີພຽງແຕ່ລົງໂທດໜ້ອຍໜຶ່ງເທົ່ານັ້ນ.

.md_Laos_page01 .md_hd{width:300px;}

ຄໍລຳ