ຜູ້ນຳພັກທີ່ມີສຽງສ່ວນຫຼາຍໃນສະພາສູງອາເມຣິກາສະເໜີກົດໝາຍ ໂດຍຄັດຄ້ານສານສູງສຸດສະໜັບສະໜູນຄຳຮຽກຮ້ອງສ່ວນໜຶ່ງກ່ຽວກັບສິດໄດ້ຮັບການຍົກເວັ້ນຂອງທ່ານໂດໂນ ທຣຳ

ວັນທີ 1 ສິງຫານີ້, ທ່ານຊັກ ຊູເມີ ຜູ້ນຳພັກທີ່ມີສຽງສ່ວນຫຼາຍໃນສະພາສູງອາເມຣິກາ ຮ່ວມກັບສະມາຊິກລັດຖະສະພາທີ່ຂຶ້ນກັບພັກເດໂມແຄຣດ ໄດ້ສະເໜີກົດໝາຍສະບັບໜຶ່ງ, ເພື່ອຫັກລ້າງຄຳຕັດສິນທີ່ສານສູງສຸດອາເມຣິກາຕັດສິນໄປກ່ອນໜ້ານີ້ ກ່ຽວກັບສິດໄດ້ຮັບການຍົກເວັ້ນໃນຖານະເປັນປະທານາທິບໍດີ ຂອງທ່ານໂດໂນ ທຣຳ ອະດີດປະທານາທິບໍດີອາເມຣິກາ. ອີງຕາມກົດໝາຍສະບັບດັ່ງກ່າວ, ປະທານາທິບໍດີ ແລະ ຮອງປະທານາທິບໍດີບໍ່ມີສິດໄດ້ຮັບການຍົກເວັ້ນຈາກການກະທຳທີ່ລະເມີດກົດໝາຍອາຍາຂອງສະຫະລັດໃນໄລຍະດຳລົງຕຳແໜ່ງ. ກົດໝາຍສະບັບດັ່ງກ່າວຍັງໄດ້ໃຫ້ຄວາມກະຈ່າງແຈ້ງວ່າ ພາກສ່ວນທີ່ມີສິດຕັດສິນຈຳເລີຍຕາມກົດໝາຍອາຍາສະຫະລັດນັ້ນຕ້ອງແມ່ນລັດຖະສະພາ, ຫາກບໍ່ແມ່ນສານສູງສຸດ.

ວັນທີ 1 ກໍລະກົດຜ່ານມາ, ສານສູງສຸດສະຫະລັດອາເມຣິກາຕັດສິນວ່າ, ທ່ານໂດໂນ ທຣຳມີສິດໄດ້ຮັບການຍົກເວັ້ນລະດັບໃດໜຶ່ງຈາກການຮ້ອງຟ້ອງທາງອາຍາກ່ຽວກັບຄະດີທີ່ຖືກສົງໄສວ່າ “ແຊກແຊງການເລືອກຕັ້ງໃນປີ 2020”, ພ້ອມທັງສະເໜີໃຫ້ສານຂັ້ນລຸ່ມພິຈາລະນາຄະດີດັ່ງກ່າວຄືນໃໝ່, ເພື່ອກຳນົດວ່າການກະທຳໃດແດ່ແມ່ນ “ການເຄື່ອນໄຫວໄດ້ໃນໄລຍະຢູ່ໃນຕຳແໜ່ງ” ທີ່ບໍ່ສາມາດຖືກຮ້ອງຟ້ອງ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ການສ້າງທຸລະກິດຢູ່ເດີ່ນບ້ານ ໄດ້ຊຸກຍູ້ການພັດທະນາຊົນນະບົດໃຫ້ຈະເລີນ