ທ່ານໂດໂນ ທຣຳ ຖືກສະເໜີຊື່ເປັນຜູ້ສະໝັກຮັບເລືອກຕັ້ງປະທານາທິບໍດີຂອງພັກລີພັບບລີກັນ
ວັນທີ 15 ກໍລະກົດນີ້, ທ່ານໂດໂນ ທຣຳ ອະດີດປະທານາທິບໍດີອາເມຣິກາໄດ້ຮັບຄະແນນສຽງເຫັນດີໃຫ້ຕາງໜ້າພັກຢ່າງພຽງພໍຢູ່ໃນກອງປະຊຸມຜູ້ແທນສະມາຊິກທົ່ວປະເທດຂອງພັກລີພັບບລີກັນ ແລະ ຖືກສະເໜີຊື່ຢ່າງເປັນທາງການໃຫ້ທ່ານເປັນຜູ້ສະໝັກຮັບເລືອກຕັ້ງປະທານາທິບໍດີຂອງພັກລີພັບບລີກັນເພື່ອເຂົ້າຮ່ວມການເລືອກຕັ້ງປະທານາທິບໍດີອາເມຣິກາປີ2024. ມື້ດຽວກັນ ທ່ານໂດໂນ ທຣຳຍັງປະກາດວ່າ: ທ່ານໄດ້ເລືອກເອົາທ່ານ ເຈມສ໊ ແວນສ໊ ສະມາຊິກສະພາສູງສະຫະລັດລັດໂອໄຮໂອເປັນຄູ່ຮ່ວມການແຂ່ງຂັນເລືອກຕັ້ງຂອງຕົນ.
ມື້ດຽວກັນ, ທ່ານໄມ ຈອນຊັນ ປະທານສະພາຕ່ຳທີ່ສັງກັດພັກລີພັບບລີກັນຂອງສະພາຕ່ຳອາເມຣິກາໄດ້ປະກາດໃນກອງປະຊຸມຢ່າງເປັນທາງການ ເຊິ່ງໄດ້ສະເໜີຊື່ໃຫ້ທ່ານໂດໂນ ທຣຳ ແລະທ່ານເຈມສ໊ ແວນສ໊ ເປັນຜູ້ສະໝັກຮັບເລືອກຕັ້ງປະທານາທິບໍດີແລະຮອງປະທານາທິບໍດີຂອງພັກລີພັບບລີກັນ.
ນີ້ແມ່ນເທື່ອທີ 3 ຂອງທ່ານໂດໂນ ທຣຳທີ່ມີອາຍຸ 78 ປີ ໄດ້ຕາງໜ້າພັກລີພັບບລີກັນເຂົ້າຮ່ວມການເລືອກຕັ້ງປະທານາທິບໍດີອາເມຣິກາ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ