ປະທານຄະນະກຳມະການສະພາກາແດງສາກົນກ່າວວ່າ: ການເຄື່ອນໄຫວຂອງສະພາກາແດງສາກົນຢູ່ຈີນມີຮາກເຫງົ້າທີ່ແໜ້ນໜາແລະພັດທະນາໄປຢ່າງມີຊີວິດຊີວາ
ຫວ່າງມໍ່ໆມານີ້, ທ່ານນາງເມຍຈານາ ສໂປຈາຣິກ ປະທານຄະນະກຳມະການສະພາກາແດງສາກົນໄດ້ໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນ ຫຼື CMG ຢູ່ນະຄອນເຊີແນວປະເທດສະວິສ.
ທ່ານນາງເມຍຈານາ ສໂປຈາຣິກກ່າວວ່າ: ໃນໄລຍະຢ້ຽມຢາມຈີນເມື່ອເດືອນກັນຍາປີຜ່ານມາ, ຂ້າພະເຈົ້າໄດ້ເຂົ້າຮ່ວມພິທີມອບລາງວັນ Florence Nightingale ຄັ້ງທີ 49, ຈີນແມ່ນປະເທດທີ່ມີຈຳນວນຄົນໄດ້ຮັບລາງວັນນີ້ຫຼາຍທີ່ສຸດ. ໃນພິທີ, ຂ້າພະເຈົ້າໄດ້ເຫັນຈິດໃຈຂອງພະນັກງານຄະນະກຳມະການສະພາກາແດງສາກົນ ເຊິ່ງສິ່ງນີ້ເຮັດໃຫ້ຂ້າພະເຈົ້າຮູ້ວ່າ: ການເຄື່ອນໄຫວຂອງສະພາກາແດງສາກົນຢູ່ຈີນມີຮາກເຫງົ້າທີ່ແໜ້ນໜາແລະພັດທະນາໄປຢ່າງມີຊີວິດຊີວາ.
ໃນໄລຍະທີ່ຂ້າພະເຈົ້າຢ້ຽມຢາມຈີນໃນປີຜ່ານມາ, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງຂ້າພະເຈົ້າ. ສິ່ງທີ່ເຮັດໃຫ້ຂ້າພະເຈົ້າຮູ້ສຶກປະທັບໃຈທີ່ສຸດແມ່ນ ເພິ່ນມີຄວາມເຂົ້າໃຈຢ່າງເລິກເຊິ່ງຕໍ່ວຽກງານມະນຸດສະທຳ, ມີຄວາມຕັດສິນໃຈທີ່ເດັດດ່ຽວໜຽວແໜ້ນຕໍ່ວຽກງານມະນຸດສະທຳແລະຕໍ່ການຊຸກຍູ້ໃຫ້ວົງການຕ່າງໆເຄົາລົບນັບຖືກົດໝາຍວ່າດ້ວຍມະນຸດສະທຳສາກົນ. ພວກເຮົາໄດ້ເປິກສາຫາລືຄວາມສຳຄັນຂອງສັນຕິພາບແລະສະຖຽນລະພາບ, ຍັງໄດ້ເປິກສາຫາລືບັນຫາທີ່ວ່າ: ຄວາມຈະເລີນຮຸ່ງເຮືອງປັດສະຈາກການພັດທະນາບໍ່ໄດ້, ການພັດທະນາຕ້ອງການສັນຕິພາບແລະສະຖຽນລະພາບ.
ປັດຈຸບັນນີ້ເມື່ອຂ້າພະເຈົ້າໄປເຮັດວຽກຢູ່ແຫ່ງຕ່າງໆຂອງໂລກ, ເມື່ອໄດ້ເຫັນປະຊາຊົນປະສົບກັບຄວາມຫຍຸ້ງຍາກແລະທໍລະມານຈາກສະພາບການປະທະກັນ, ຂ້າພະເຈົ້າຍິ່ງມີຄວາມຮັບຮູ້ທີ່ຈະແຈ້ງແລະເດັດດ່ຽວຕໍ່ຄວາມສຳຄັນຂອງການປົກປັກຮັກສາສັນຕິພາບແລະສະຖຽນລະພາບ, ຄວາມສຳຄັນຂອງການສົນທະນາດ້ານມະນຸດສະທຳແລະຄວາມສຳຄັນຂອງຄວາມພະຍາຍາມໃຫ້ການຊ່ວຍເຫຼືອໃນເວລາເກີດການປະທະກັນ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ
ລົດຖ່າຍທອດງານກິລາໂອລິມປິກປາຣີ 8K ຂອງ CMG ໄດ້ສົ່ງໄປຮອດສິງກະໂປ
ການແຂ່ງຂັນຊ່ວງເຮືອທີ່ຈັດຂຶ້ນຢູ່ເມືອງຕ້າວຊ້ຽນແຂວງຫູນານຈີນໄດ້ສ້າງສະຖິຕິກີເນັສບຸກ
ການມີສ່ວນຮ່ວມຂອງຍີ່ຫໍ້ຂອງຈີນຊຸກຍູ້ການພັດທະນາຂອງຕະຫຼາດລົດໃຊ້ພະລັງງານໄຟຟ້າຂອງລາວ
ຄຳສັບສຳຄັນຂອງຈີນກ່ຽວກັບການພັດທະນາຕາມທິດສີຂຽວ
ສວນສະໜຸກພາສາຈີນ EP1:ໜີຫ່າວ ສະບາຍດີ
ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ
Copyright © cri.cn All Rights Reserved