ປະທານາທິບໍດີຊູຣິນາມກ່າວວ່າ: ແນວຄິດ “ໜຶ່ງແລວໜຶ່ງເສັ້ນທາງ” ຂອງຈີນພວມມີຜົນສຳເລັດ

ຫວ່າງມໍ່ໆມານີ້, ທ່ານຈັນດຣິກາເປີຊັດ ຊັນໂຕຄີ ປະທານາທິບໍດີຊູຣິນາມໄດ້ໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນ ຫຼື CMG ໃນໄລຍະຢ້ຽມຢາມຈີນ.

ໃນຖານະເປັນປະມຸກລັດປະເທດພາກພື້ນອາເມຣິກາລາຕິນແລະກາຣິບຽນຜູ້ທຳອິດທີ່ໄປຢ້ຽມຢາມຈີນໃນປີນີ້, ທ່ານຊັນໂຕຄີກ່າວວ່າ: ຈີນແລະຊູຣິນາມມີສາຍພົວພັນທີ່ເປັນມູນເຊື້ອທີ່ບໍ່ສາມາດຕັດແຍກໄດ້. ທ່ານຊັນໂຕຄີເຄີຍຢືນຢັນຫຼາຍຄັ້ງວ່າ ຊາວຈີນໄດ້ປະກອບສ່ວນອັນໃຫຍ່ຫຼວງເຂົ້າໃນການພັດທະນາເສດຖະກິດຂອງຊູຣິນາມ ແລະ ໄດ້ກຳນົດເອົາບຸນກຸດຈີນເປັນວັນພັກຕາມກົດໝາຍຊູຣິນາມ. ທ່ານຊັນໂຕຄີໄດ້ຍ້ອງຍໍຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”, ທ່ານເຫັນວ່າ ແນວຄິດ “ໜຶ່ງແລວໜຶ່ງເສັ້ນທາງ” ພວມມີຜົນສຳເລັດ, ຈີນເປັນຜູ້ນຳພາໃນຂະບວນການນີ້, ໄດ້ສະໜອງແນວຄິດການພັດທະນາແບບໃໝ່ເພື່ອບັນລຸຄວາມຈະເລີນຮຸ່ງເຮືອງຂອງໂລກ.

ນອກນີ້, ທ່ານຊັນໂຕຄີຍັງເຊື່ອໝັ້ນວ່າ: ຈີນຈະບັນລຸໄດ້ຄວາມເປັນເອກະພາບຢ່າງສົມບູນແນ່ນອນ. ທ່ານກ່າວວ່າ: ນັບແຕ່ຊູຣິນາມເປັນປະເທດເອກະລາດເມື່ອ 48 ປີກ່ອນເປັນຕົ້ນມາ, ຊູຣິນາມໄດ້ຍຶດໝັ້ນຫຼັກໝັ້ນທີ່ຈະແຈ້ງຢ່າງສະເໝີຕົ້ນສະເໝີປາຍ ຄື: ສະໜັບສະໜູນຫຼັກການປະເທດຈີນດຽວ. ມື້ນີ້ເປັນແນວນີ້, ມື້ໜ້າກໍຈະສືບຕໍ່ຍຶດໝັ້ນຕະຫຼອດໄປ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ

ສ້າງເສັ້ນທາງແຫ່ງຄວາມຮັ່ງມີດ້ວຍການຈັກສານເຄື່ອງໃຊ້ຫວາຍ