ເກີດເຫດລົດໄຟຂົນສົ່ງສິນຄ້າຕົກລາງອີກຄັ້ງໜຶ່ງຢູ່ອາເມຣິກາ

ວັນທີ27ເມສານີ້, ຕາມໜັງສືພິມ The Hill ອາເມຣິກາລາຍງານວ່າ: ຄະນະກຳມະການຄວາມປອດໄພດ້ານການຂົນສົ່ງແຫ່ງຊາດອາເມຣິກາແລະອົງການອື່ນໆຂອງອາເມຣິກາຈະສືບສວນເຫດການລົດໄຟຂົນສົ່ງສິນຄ້າຂະບວນໜຶ່ງຕົກລາງ.

ຕອນທ່ຽງວັນທີ26ເມສານີ້, ລົດໄຟບັນທຸກອາຍແກັສໂປຣເພັນ (Propane)ແລະນ້ຳມັນແອັດຊັງຂະບວນໜຶ່ງໄດ້ຕົກລາງພ້ອມທັງເກີດໄຟໄໝ້ຢູ່ເຂດໃກ້ກັບຊາຍແດນລະຫວ່າງລັດອາຣີໂຊນາ ກັບ ລັດນີວເມັກຊິກໂກຂອງອາເມຣິກາ ເຮັດໃຫ້ທາງຫຼວງລະຫວ່າງລັດສາຍໜຶ່ງທີ່ຢູ່ໃກ້ບ່ອນເກີດເຫດຈຳຕ້ອງປິດບໍລິການ. ມາຮອດປັດຈຸບັນ ຍັງບໍ່ທັນມີລາຍງານຜູ້ເສຍຊີວິດແລະບາດເຈັບເທື່ອ.

ຊຸມປີຜ່ານມານີ້, ອາເມຣິກາໄດ້ເກີດອຸບັດເຫດລົດໄຟຕົກລາງຢູ່ເລື້ອຍໆ, ບັນຫາຄວາມປອດໄພຂອງລະບົບທາງລົດໄຟໄດ້ພາໃຫ້ເກີດມີຄວາມເປັນຫ່ວງແລະຫາງສຽງຕຳໜິວິຈານຢ່າງກວ້າງຂວາງພາຍໃນປະເທດອາເມຣິກາ. ມີນັກວິເຄາະເຫັນວ່າ: ອຸບັດເຫດລົດໄຟຕົກລາງທີ່ເກີດຂຶ້ນຢູ່ເລື້ອຍໆໄດ້ເຜີຍແບໃຫ້ເຫັນເຖິງບັນຫາຕ່າງໆຢູ່ອາເມຣິກາເຊັ່ນ: ພື້ນຖານໂຄງລ່າງເກົ່າແກ່ຊຸດໂຊມ, ບໍລິສັດທາງລົດໄຟເອກະຊົນຖືຜົນປະໂຫຍດເໜືອກວ່າທຸກສິ່ງຢ່າງ, ການຕິດຕາມຄຸ້ມຄອງຂອງລັດຖະບານຂາດປະສິດທິຜົນແລະອື່ນໆ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ