ກອງທັບອິດສະຣາແອນໂຈມຕີເຂດກາຊາທາງອາກາດ ເຮັດໃຫ້ພະນັກງານການກຸສົນ 7 ຄົນເສຍຊີວິດ

ສະພາຊີກວົງເດືອນແດງປາແລັດສະຕິນອອກຖະແຫຼງການໃນວັນທີ 2 ເມສານີ້ວ່າ: ກອງທັບອິດສະຣາແອນກໍ່ການໂຈມຕີທາງອາດກາດຕໍ່ເມືອງເດຍ ອານ-ບາລາ ທາງພາກກາງເຂດກາຊາໃນຕອນຄ່ຳວັນທີ 1 ເມສານີ້, ເຮັດໃຫ້ພະນັກງານອົງການເວີນ ເຊນໂຕຣ ກິດເຊນ ຫຼື WCK ເຊິ່ງເປັນອົງການການກຸສົນຂອງປາແລັດສະຕິນ 7 ຄົນເສຍຊີວິດ.

ຂະນະທີ່ກອງທັບອິດສະຣາແອນໄດ້ອອກຖະແຫຼງການໃນຕອນຮຸ່ງເຊົ້າຂອງວັນທີ 2 ເມສານີ້ວ່າ: ປັດຈຸບັນ, ກອງທັບອິດສະຣາແອນພວມດຳເນີນການກວດກາຢ່າງເຖິງຖອງ ໂດຍເລີ່ມຈາກການນຳຂັ້ນສູງ ເພື່ອກວດກາຫາສາເຫດທີ່ພາໃຫ້ເກີດ “ເຫດການໂສກນາດຕະກຳ” ເທື່ອນີ້.

ອົງການສາທາລະນະສຸກເຂດກາຊາໄດ້ຖະແຫຼງໃນວັນທີ 1 ເມສານີ້ວ່າ: ນັບແຕ່ການປະທະກັນລະຫວ່າງປາແລັດສະຕິນ-ອິດສະຣາແອນຮອບນີ້ເກີດຂຶ້ນເມື່ອ ເດືອນຕຸລາປີ 2023 ເປັນຕົ້ນມາ, ການເຄື່ອນໄຫວທາງການທະຫານຂອງອິດສະຣາແອນໄດ້ເຮັດໃຫ້ຢູ່ເຂດກາຊາມີຫຼາຍກວ່າ 32.800 ຄົນເສຍຊີວິດ, ຫຼາຍກວ່າ 75.000 ຄົນໄດ້ຮັບບາດເຈັບ; ໃນນັ້ນ, ຜູ້ເສຍຊີວິດມີ 23 ແມ່ນແມ່ຍິງ ແລະ ເດັກນ້ອຍ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຂ້ຽວເດັດໃບຊາກ່ອນບຸນຊິ່ງໝິງ

ຊີວິດໃໝ່ຂອງຊາວສວນຊາຢູ່ປ່າຝົນ