ເປີດກອງປະຊຸມສຸດຍອດກ່ຽວກັບເປົ້າໝາຍການພັດທະນາແບບຍືນຍົງຂອງອົງການສະຫະປະຊາຊາດ ຮັບຮອງຖະແຫຼງການການເມືອງວ່າດ້ວຍການເລັ່ງລັດບັນລຸເປົ້າໝາຍການພັດທະນາແບບຍືນຍົງ

ວັນທີ 18 ກັນຍານີ້, ກອງປະຊຸມສຸດຍອດກ່ຽວກັບເປົ້າໝາຍການພັດທະນາແບບຍືນຍົງຂອງອົງການສະຫະປະຊາຊາດທີ່ດຳເນີນໄປເປັນເວລາ 2 ວັນໄດ້ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນະຄອນນິວຢອກຂອງອາເມຣິກາ, ໃນກອງປະຊຸມໄດ້ຮັບຮອງຖະແຫຼງການການເມືອງທີ່ມີຈຸດປະສົງເພື່ອເລັ່ງລັດບັນລຸເປົ້າໝາຍການພັດທະນາແບບຍືນຍົງ.

ໃນຖະແຫຼງການໄດ້ໃຫ້ຄຳໝັ້ນສັນຍາທີ່ຈະສະໜອງເງິນທຶນໃຫ້ແກ່ປະເທດພວມພັດທະນາ, ສະໜັບສະໜູນແຜນການກະຕຸກຊຸກຍູ້ເປົ້າໝາຍການພັດທະນາແບບຍືນຍົງ ທີ່ມີມູນຄ່າຢ່າງໜ້ອຍ 500 ຕື້ໂດລາຕໍ່ປີ, ເຊິ່ງສະເໜີໂດຍທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ, ພ້ອມດ້ວຍກົນໄກຫຼຸດຜ່ອນ ຫຼື ຍົກເວັ້ນໜີ້ສິນທີ່ມີປະສິດທິຜົນ. ຖະແຫຼງການຍັງຮຽກຮ້ອງໃຫ້ປ່ຽນແປງຮູບແບບການດຳເນີນທຸລະກິດຂອງທະນາຄານພັດທະນາຫຼາຍຝ່າຍ, ສະໜອງທຶນສ່ວນຕົວໃຫ້ແກ່ປະເທດພວມພັດທະນາດ້ວຍອັດຕາດອກເບ້ຍທີ່ສາມາດແບກຫາບໄດ້ງ່າຍກວ່າເກົ່າ, ພ້ອມທັງສະໜັບສະໜູນໃຫ້ປະຕິຮູບໂຄງປະກອບດ້ານການເງິນສາກົນທີ່ຖືກທ່ານກູເຕີເຣັສເອີ້ນວ່າ “ຕົກສະໄໝ ບໍ່ດຸນດ່ຽງ ແລະ ບໍ່ຍຸຕິທຳ”.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຜູ້ເສຍຊີວິດຈາກແຜ່ນດິນໄຫວຮຸນແຮງທີ່ເກີດຂຶ້ນຢູ່ມາຣົກມີຫຼາຍກວ່າ 2.000 ຄົນ

ປະຊາຊົນ ສ ເກົາຫຼີ ໝື່ນກວ່າຄົນຈັດງານໂຮມຊຸມນຸມເພື່ອກ່າວປະນາມຍີ່ປຸ່ນລະບາຍນ້ຳປົນເປື້ອນລັງສີນິວເຄລຍລົງສູ່ທະເລ