“ຜູ້ໃດເປັນຜູ້ຜູກ ຜູ້ນັ້ນເປັນຜູ້ແກ້” ຫວັງວ່າອາເມຣິກາຈະສະແດງຄວາມຈິງໃຈໃຫ້ທົ່ວໂລກໄດ້ເຫັນ

ໃນເວລາພົບປະສົນທະນາກັນກັບທ່ານໄບເດັນປະທານາທິບໍດີອາເມຣິກາຜ່ານທາງວິດີໂອໃນວັນທີ 18 ມີນານີ້ ທ່ານສີຈິ້ນຜິງປະທານປະເທດຈີນກ່າວວ່າ, “ພວກເຮົາບໍ່ພຽງແຕ່ ຕ້ອງສຳພາສາຍພົວພັນຈີນແລະອາເມຣິກາໃຫ້ ຂະຫຍາຍຕົວໄປໜ້າຕາມ ທິດທາງທີ່ຖືກຕ້ອງເທົ່ານັ້ນ, ແຕ່ຍັງຄວນແບກຫາບໜ້າທີ່ຮັບຜິດຊອບ ສາກົນເທົ່າທີ່ຄວນ, ແລະທຳຄວາມພະຍາຍາມ ເພື່ອສັນຕິພາບ ແລະ ຄວາມ ສະຫງົບຂອງໂລກ.”

ປະຈຸບັນ, ຍ້ອນກຸ່ມນາໂຕທີ່ນຳພາໂດຍອາເມຣິກາໄດ້ຍຸແຍ່ຢູ່ບໍ່ເຊົາ ເຮັດໃຫ້ການປະທະກັນທາງການທະຫານລະຫວ່າງຣັດເຊຍກັບອູແກລນຍັງສືບຕໍ່ໄປ, ແຕ່ອາເມຣິກາທີ່ເປັນຜູ້ກໍ່ໃຫ້ເກີດວິກິດການອູແກລນຄັ້ງນີ້ບໍ່ເອົາຫົວຊານຳພັນທະໜ້າທີ່ຂອງຕົນເອງ, ຍັງໃຊ້ມາດຕະການໄມ້ແຂງຂົ່ມຂູ່, ຫັນເຫຄວາມຂັດແຍ້ງພາຍໃນປະເທດ ແລະສວຍໂອກາດຫາຜົນປະໂຫຍດ, ເຮັດໃຫ້ການພົວພັນຈີນ-ອາເມລິກາ ແລະສັນນຕິພາບຂອງໂລກຜະເຊີນກັບສິ່ງທ້າທາຍຫຼາຍກວ່າເກົ່າ. ສະນັ້ນ ການສົນທະນາທາງອອນລາຍລະຫວ່າງປະມຸກລັດຈີນ-ອາເມຣິກາຈິ່ງມີຄວາມໝາຍສຳຄັນທີ່ສຸດຕໍ່ທັງສອງປະເທດແລະຕໍ່ທົ່ວໂລກ.

ໃນເວລາສົນທະນາກັນ, ທ່ານໂຈໄບເດັນໄດ້ກ່າວເນັ້ນວ່າ, ອາເມຣິກາຈະບໍ່ກໍ່ສົງຄາມເຢັນຄັ້ງໃໝ່ກັບຈີນ, ບໍ່ສະແຫວງຫາປ່ຽນແປງລະບອບການເມືອງຂອງຈີນ, ບໍ່ຄັດຄ້ານຈີນໂດຍຜ່ານການເພີ່ມທະວີສາຍພົວພັນກັບພັນທະມິດຕ່າງໆ, ບໍ່ສະໜັບສະໜູນໄຕ້ຫວັນເປັນເອກະລາດ, ບໍ່ເຈດຕະນາກໍ່ການປະທະກັບຈີນ. ທ່ານສີຈິ້ນຜິງກໍ່ໄດ້ສະແດງການໃຫ້ຄວາມສຳຄັນຢ່າງສູງຕໍ່ການສະແດງທ່າທີດັ່ງກ່າວຂອງທ່ານໄລເດັຍ, ແລະຊີ້ອອກວ່າ, ສາເຫດທີ່ພາໃຫ້ການພົວພັນຈີນ-ອາເມລິກາຕົກຢູ່ໃນສະພາບຄືໃນປະຈຸບັນ ແມ່ນຍ້ອນວ່າອາເມລິກາບໍ່ໄດ້ປະຕິບັດຕາມຄຳໝັ້ນສັນຍາທີ່ກ່ຽວຂ້ອງຂອງຕົນ, ເຊິ່ງກໍ່ຊີ້ໃຫ້ເຫັນຄວາມເຂົ້າໃຈຜິດຢ່າງເລິກເຊິ່ງຂອງອາເມລິກາທີ່ຖືກຈີນເປັນ “ສັດຕູສົມມຸດ”.

ທ່ານສີຈິ້ນຜິງ ຊີ້ໃຫ້ເຫັນວ່າ: ນັກການເມືອງອາເມຣິກາບາງຄົນໄດ້ສົ່ງສັນຍານຜິດພາດໃຫ້ແກ່ອິດທິກຳລັງ “ແບ່ງແຍກໄຕ້ຫວັນໃຫ້ເປັນເອກະລາດ”, “ນີ້ແມ່ນອັນຕະລາຍທີ່ສຸດ”. ທ່ານເນັ້ນໜັກວ່າຖ້າວ່າແກ້ໄຂບັນຫາໄຕ້ຫວັນບໍ່ເໝາະສົມ, ຈະທຳລາຍສາຍພົວພັນລະຫວ່າງສອງປະເທດຈາກຂັ້ນພື້ນຖານ. ອາເມຣິກາຕ້ອງເອົາໃຈໃສ່ບັນຫາດັ່ງກ່າວຢ່າງພຽງພໍ, ຕ້ອງລະມັດລະວັງໃນດ້ານວາຈາແລະການກະທຳເພື່ອຫຼີກເວັ້ນບໍ່ໃຫ້ເກີດຜົນກະທົບຕໍ່ຕົນເອງ.

ໃນເວລາເວົ້າເຖິງວິກິດການອູແກຼນ, ທ່ານສີຈິ້ນຜິງ ເນັ້ນໄດ້ໜັກອີກວ່າ: “ວຽກງານອັນຮີບດ່ວນທີ່ສຸດ” ແມ່ນສືບຕໍ່ດຳເນີນການເຈລະຈາ, ຫຼີກເວັ້ນບໍ່ໃຫ້ປະຊາຊົນເສຍຊີວິດແລະບາດເຈັບ, ປ້ອງກັນບໍ່ໃຫ້ເກີດວິກິດການດ້ານມະນຸດສະທຳ, ບັນລຸເປົ້າໝາຍການຢຸດຍິງກັນໂດຍໄວ. “ວິທີແກ້ໄຂໄລຍະຍາວ” ແມ່ນປະເທດໃຫຍ່ຄວນເຄົາລົບນັບຖືເຊິ່ງກັນແລະກັນ, ປະຖິ້ມແນວຄິດສົງຄາມເຢັນ, ປະຖິ້ມການເປັນປໍລະປັກກັນ, ສ້າງໂຄງປະກອບຄວາມໝັ້ນຄົງພາກພື້ນກໍຄືຂອງໂລກທີ່ດຸນດ່ຽງ, ມີປະສິດທິຜົນແລະແບບຍືນຍົງ. ແຜນການດັ່ງກ່າວມີຫຼັກໝັ້ນແລະຫຼັກການ, ທັງມີວິທີແກ້ໄຂລະອຽດ; ມີວິທີແກ້ໄຂໃນໄລຍະສັ້ນທັງມີວິທີແກ້ໄຂໃນໄລຍະຍາວ; ໄດ້ສະແດງໃຫ້ເຫັນເຖິງຈິດໃຈເອົາໃຈໃສ່ນຳຊີວິດການເປັນຢູ່ຂອງປະຊາຊົນຢ່າງເລິກເຊິ່ງ, ແມ່ນຄວາມພະຍາຍາມຫຼ້າສຸດຂອງຈີນເພື່ອແກ້ໄຂວິກິດການອູແກຼນ.

ໃນໂອກາດພົບປະກັນ, ອຝ່າຍາເມຣິກາກ່າວວ່າ: ຍິນດີແລກປ່ຽນຄວາມເຫັນກັບປະເທດຈີນ, ປ້ອງກັນບໍ່ໃຫ້ຄວາມຂັດແຍ້ງກັນຮຸນແຮງກວ່າເກົ່າ. ຫວັງວ່າອາເມຣິກາສາມາດປະຕິບັດຕາມຄຳໝັ້ນສັນຍາຂອງຕົນ, ໃຊ້ການກະທຳຕົວຈິງເພື່ອປະຕິບັດຕາມຄວາມຮັບຮູ້ທີ່ເປັນເອກະພາບກັນຂອງປະມຸກລັດສອງປະເທດ, ແລະປະຕິບັດຕາມຄຳໝັ້ນສັນຍາທາງການເມືອງຂອງປະທານາທິບໍດີໄບເດັນ. ຖ້າວ່າອາເມຣິກາສະແຫວງຫາການສະໜັບສະໜູນແລະການປະສານງານຂອງປະເທດຈີນ, ແຕ່ໃນຂະນະດຽວກັນພັດໃສ່ຮ້າຍປ້າຍສີປະເທດຈີນແລະຂົ່ມຂູ່ປະເທດຈີນດ້ວຍການລົງໂທດ, ນີ້ແມ່ນເລື່ອງທີ່ເປັນໄປບໍ່ໄດ້ແທ້ໆ.