ທ່ານວາງຢີ້ມີຄວາມເຫັນກ່ຽວກັບ “3 ສະເໝີຕົ້ນສະເໝີປາຍ” ໃນການພົວພັນຈີນ-ອາເມຣິກາ

CRI2024-04-26 11:35:35

ວັນທີ 26 ເມສານີ້,ໃນເວລາທີ່ທ່ານວາງຢີ້ ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນພົບປະກັບທ່ານອັນໂທນີ ບຣິນເກນ ລັດຖະມົນຕີກະຊວງການຕ່າງປະເທດອາເມຣິກາຢູ່ນະຄອນຫຼວງປັກກິ່ງ, ທ່ານວາງຢີ້ກ່າວເນັ້ນວ່າ: ທ່າທີຂອງຈີນແມ່ນສະເໝີຕົ້ນສະເໝີປາຍ, ຈີນປະຕິບັດຕໍ່ ແລະ ຂະຫຍາຍການພົວພັນລະຫວ່າງຈີນ ກັບ ອາເມຣິກາດ້ວຍອາລົມຈິດໃຈປະຊາຄົມຮ່ວມຊາຕາກຳຂອງມວນມະນຸດມາໂດຍຕະຫຼອດ, ຮັບຜິດຊອບຕໍ່ປະຊາຊົນ, ຮັບຜິດຊອບຕໍ່ທົ່ວໂລກ,ຮັບຜິດຊອບຕໍ່ອະນາຄົດ. ຫຼັກໝັ້ນຂອງຈີນແມ່ນສະເໝີຕົ້ນສະເໝີປາຍ, ຈີນຍຶດໝັ້ນຫຼັກການທີ່ເຄົາລົບເຊິ່ງກັນແລະກັນ, ຢູ່ຮ່ວມກັນໂດຍສັນຕິແລະ ຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດທີ່ທ່ານສີຈິ້ນຜິງ ປະທານປະເທດຈີນສະເໜີອອກມາໂດຍຕະຫຼອດ, ສຸມໃສ່ຊຸກຍູ້ການພົວພັນຈີນ-ອາເມຣິກາໃຫ້ຂະຫຍາຍຕົວຢ່າງໝັ້ນທ່ຽງ, ປອດໃສ ແລະ ຍືນຍົງ. ຄວາມຮຽກຮ້ອງຕ້ອງການຂອງຈີນແມ່ນສະເໝີຕົ້ນສະເໝີປາຍ, ຈີນມີເຈດຈຳນົງເຄົາລົບຜົນປະໂຫຍດແກນກາງຂອງກັນແລະກັນມາໂດຍຕະຫຼອດ, ອາເມຣິກາຢ່າແຊກແຊງວຽກງານພາຍໃນຂອງຈີນ,ຢ່າຈຳກັດການພັດທະນາຂອງຈີນ, ຢ່າຢຽບເສັ້ນແດງຂອງຈີນທີ່ກ່ຽວພັນເຖິງອະທິປະໄຕ, ຄວາມໝັ້ນຄົງ ແລະ ຜົນປະໂຫຍດການພັດທະນາຂອງຈີນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ

ນາງເຊີນລີ້ຈວິ່ນ: ຍອມເປັນຫີນນ້ອຍໆກ້ອນໜຶ່ງໃນວົງສິລະປິນງິ້ວ

ລະຄອນວິທະຍຸເລື່ອງ“ວິວັດທະນາການຂອງບ້ານພູດອຍ”

ພັດທະນາການທ່ອງທ່ຽວເພື່ອສືບທອດມໍລະດົກວັດທະນະທຳນາມະທຳຂອງຊົນເຜົ່າໃຫ້ດີຂຶ້ນ

ຍັດຕິວ່າດ້ວຍການຊ່ວຍເຫຼືອຕ່າງປະເທດຂອງອາເມຣິກາໄດ້ສ້າງຜົນກຳໄລຢ່າງຫຼວງຫຼາຍໃຫ້ແກ່ວິສາຫະກິດອາວຸດຍຸດໂທປະກອນຂອງຕົນ

ນັກຂ່າວສື່ມວນຊົນລາວຝາກຄວາມຫວັງຕໍ່ກິດຈະກຳ“‘ຄູ່ຮ່ວມສື່ມວນຊົນອາຊຽນ’ເບິ່ງຈີນຮ່ວມກັນ”

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ