ໄພນ້ຳຖ້ວມທີ່ເກີດຂຶ້ນຢູ່ແອັດສະປາຍເຮັດໃຫ້ປະຊາຊົນເສຍຊີວິດຢ່າງໜ້ອຍ 214 ຄົນ

cri2024-11-04 15:27:10

ລັດຖະບານແອັດສະປາຍໄດ້ເປີດເຜີຍຕົວເລກຫຼ້າສຸດໂດຍສະແດງໃຫ້ເຫັນວ່າ: ໄພນ້ຳຖ້ວມທີ່ເກີດຂຶ້ນຢູ່ພາກຕາເວັນອອກສຽງໃຕ້ຂອງປະເທດຕົນໄດ້ເຮັດໃຫ້ປະຊາຊົນເສຍຊີວິດຢ່າງໜ້ອຍ 214 ຄົນ. ທ່ານ ເປໂດຣ ຊານເຊັສ ນາຍົກລັດຖະມົນຕີແອັດສະປາຍໄດ້ປະກາດໃນວັນທີ 2 ພະຈິກນີ້ວ່າ: ໄດ້ສົ່ງທະຫານອີກ 5.000 ຄົນ,ຕຳຫຼວດແລະກອງຕຳຫຼວດປ້ອງກັນຄວາມສະຫງົບປະຊາຊົນອີກ 5.000 ຄົນໄປເຂດປະສົບໄພ ແລະກ່າວວ່າ: ນີ້ແມ່ນ “ການເຄື່ອນໄຫວຄັ້ງໜຶ່ງທີ່ມີຂະໜາດໃຫຍ່ທີ່ສຸດຂອງກຳລັງປະກອບອາວຸດແອັດສະປາຍໃນໄລຍະສັນຕິພາບ”. ນອກນີ້, ຍັງມີອາສາສະໝັກຫຼາຍພັນຄົນໄດ້ເຂົ້າຮ່ວມການກູ້ໄພແລະຊ່ວຍເຫຼືອ,ຊ່ວຍເກັບມ້ຽນຊາກຫັກພັງຢູ່ເຂດປະສົບໄພແລະແຈກຢາຍເຄື່ອງຊ່ວຍເຫຼືອ.