ອີຣານກຽມພ້ອມແລ້ວຕໍ່ສົງຄາມທີ່ອາດຈະເກີດຂຶ້ນ ແຕ່ບໍ່ຢາກກໍ່ສົງຄາມ

cri2024-10-14 11:04:33

ວັນທີ 13 ຕຸລານີ້, ທ່ານ ອັບບາສ ອາຣັກຊີ ລັດຖະມົນຕີກະຊວງການຕ່າງປະເທດອີຣານກ່າວວ່າ: ອີຣານກຽມພ້ອມແລ້ວຕໍ່ສົງຄາມທີ່ອາດຈະເກີດຂຶ້ນ ແຕ່ບໍ່ຢາກກໍ່ສົງຄາມເອງ.

ທ່ານ ອາຣັກຊີ ເນັ້ນໜັກວ່າ: ປັດຈຸບັນ ພາກພື້ນຕາເວັນອອກກາງແມ່ນຕົກຢູ່ໃນວິກິດການທີ່ເລິກເຊິ່ງເທື່ອລະກ້າວ, ມີຄວາມສ່ຽງສູງຫຼາຍທີ່ຈະເກີດການປະທະກັນແລະສະຖານະການພາກພື້ນຮຸນແຮງຂຶ້ນ. ທ່ານຕິຕຽນອິດສະຣາແອນປະຕິເສດຢຸດຍິງຢູ່ເຂດກາຊາ ທັງຂະຫຍາຍການເຄື່ອນໄຫວທາງການທະຫານຕໍ່ລີບັງ, ການກະທຳຂອງອິດສະຣາແອນອາດຈະເຮັດໃຫ້ພາກພື້ນຕາເວັນອອກກາງຕົກຢູ່ໃນຄວາມອັນຕະລາຍທີ່ສຸດ, ທັງມີຄວາມສ່ຽງທີ່ຈະເກີດການປະທະກັນຢູ່ທົ່ວພາກພື້ນ. ທ່ານອາຣັກຊີເນັ້ນໜັກວ່າ: ການເຄື່ອນໄຫວທາງການທະຫານທີ່ອິດສະຣາແອນດຳເນີນຢູ່ທົ່ວພາກພື້ນ ຕ້ອງຍຸດຕິໃນທັນທີ.

ທ່ານອາຣັກຊີເນັ້ນໜັກຕື່ມວ່າ: ອີຣານໄດ້ກຽມພ້ອມແລ້ວຕໍ່ສົງຄາມທີ່ອາດຈະເກີດຂຶ້ນ, ທັງກຽມພ້ອມແລ້ວເພື່ອຕ້ອນຮັບສັນຕິພາບ, ອີຣານພວມປະສານສົມທົບກັບເພື່ອນມິດຢູ່ໃນພາກພື້ນ ເພື່ອຕັ້ງໜ້າຊຸກຍູ້ໃຫ້ຢຸດຍິງ. ຝ່າຍອີຣານບໍ່ຢາກໃຫ້ສົງຄາມເກີດຂຶ້ນ, ແຕ່ບໍ່ຢ້ານສົງຄາມ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ພູບໍ່ແຮ່ທີ່ບໍ່ໄດ້ໃຊ້ການ ກາຍເປັນອ່າງເງິນອ່າງຄຳ

ເຂດບໍລິຫານພິເສດມາກາວຂອງຈີນສະເຫຼີມສະຫຼອງ ສປ ຈີນສະຖາປະນາຂຶ້ນຄົບຮອບ 75 ປີ

ເບີກບານມ່ວນຊື່ນໃນຍາມພັກ

ປະທານາທິບໍດີນາມິບີ: ປະເທດຕາເວັນຕົກເວົ້າວ່າປະເທດຈີນເປັນ “ອິດທິກຳລັງລ່າເມືອງຂຶ້ນແບບໃໝ່” ແມ່ນເປັນຍ້ອນອິດສາຈີນ

ເປັນຫຍັງປະຊາຊົນຈີນຈິ່ງມັກພາກັນໄປຊົມພິທີຊັກທຸງຊາດຂຶ້ນເສົາຢູ່ສະໜາມຫຼວງທ່ຽນອ່ານເໝິນ

ແມ່ນຫຍັງທີ່ເຮັດໃຫ້ “ການທ່ຽວຈີນ” ໄດ້ຮັບຄວາມນິຍົມຊົມຊອບທີ່ສຸດ?

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ