ທ່ານສີຈິ້ນຜິງ: ສາຍພົວພັນຈີນ-ແຊັກບີພວມຂະຫຍາຍຕົວໄປສູ່ອະນາຄົດທີ່ດີງາມກວ່າເກົ່າ

CRI2024-05-08 21:39:14

ຕອນເຊົ້າວັນທີ 8 ພຶດສະພານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານ ອາເລັກຊານດາ ວູຊິກ ປະທານາທິບໍດີແຊັກບີຢູ່ຫໍລັດຖະສະພາແຊັກບີໃນນະຄອນຫຼວງແບນກຣາດ.

ໃນໂອກາດດັ່ງກ່າວ, ທ່ານສີຈິ້ນຜິງຊີ້ອອກວ່າ: ທ່ານປະທານາທິບໍດີວູຊິກເຄີຍເຊື້ອເຊີນຂ້າພະເຈົ້າມາຢ້ຽມຢາມແຊັກບີທີ່ມີໄມຕີຈິດມິດຕະພາບຢ່າງຈິງໃຈຫຼາຍເທື່ອ, ມື້ນີ້ຂ້າພະເຈົ້າໄດ້ເດີນທາງມາຮອດແຊັກບີຕາມການນັດໝາຍ. ການເປັນເພື່ອນທີ່ດີກໍຄວນໄປມາຫາສູ່ກັນ ແລະ ແລກປ່ຽນກັນຢູ່ເລື້ອຍໆ.

ໃນໄລຍະຢ້ຽມຢາມແຊັກບີຄັ້ງນີ້, ພວກເຮົາຈະຮ່ວມກັນລົງນາມໃນຖະແຫຼງການຮ່ວມວ່າດ້ວຍການລົງເລິກແລະຍົກລະດັບສາຍພົວພັນຄູ່ຮ່ວມຍຸດທະສາດຮອບດ້ານຈີນ-ແຊັກບີ ແລະ ການສ້າງຄູ່ຮ່ວມຊາຕາກຳຈີນ-ແຊັກຍີໃນຍຸກໃໝ່ ເຊິ່ງຈະເປີດປະຫວັດສາດໜ້າໃໝ່ທີ່ສະຫງ່າງາມກວ່າເກົ່າຂອງສາຍພົວພັນຈີນ-ແຊັກບີ.

ໂດຍຢືນຢູ່ຈຸດເລີ່ມຕົ້ນໃໝ່ຂອງປະຫວັດສາດ, ສາຍພົວພັນຈີນ-ແຊັກບີພວມຂະຫຍາຍຕົວໄປສູ່ອະນາຄົດທີ່ດີງາມກວ່າເກົ່າ. ຈີນຍິນດີຮ່ວມກັບແຊັກບີ, ຍຶດໝັ້ນແລະເສີມຂະຫຍາຍມິດຕະພາບຈີນ-ແຊັກບີ, ຮ່ວມກັນຊຸກຍູ້ການສ້າງຄູ່ຮ່ວມຊາຕາກຳຈີນ-ແຊັກບີໃນຍຸກໃໝ່ ເພື່ອປະກອບສ່ວນອັນໃໝ່ໃຫຍ່ຫຼວງກວ່າເກົ່າເຂົ້າໃນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ

ຄວາມສວຍງາມກາຍເປັນລາຍຮັບ ດອກໂບຕັນໄດ້ເພີ່ມພະລັງແຮງເຂົ້າໃນການພັດທະນາເສດຖະກິດ

ສ້າງເສັ້ນທາງແຫ່ງຄວາມຮັ່ງມີດ້ວຍການຈັກສານເຄື່ອງໃຊ້ຫວາຍ

ພົບກັບທ່ານ ສີຈິ້ນຜິງ ຂ້າພະເຈົ້າກຳລັງພິຈາລະນາຂຽນປື້ມກ່ຽວກັບຄວາມຊົງຈຳຂອງພວກ ເຮົາ

ລົດໃຊ້ພະລັງງານໃໝ່ໄດ້ກາຍເປັນ “ພະເອກ" ໃນງານວາງສະແດງລົດປັກກິ່ງປີ 2024

ການຮ່ວມມືດ້ານພະລັງງານສະອາດລະຫວ່າງຈີນ-ລາວນຳເອົາໂອກາດພັດທະນາສີຂຽວໃຫ້ແກ່ປະເທດລາວ

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ