ທ່ານ ສີຈິ້ນຜິງ ພົບປະກັບນາຍົກລັດຖະມົນຕີອົດສະຕຣາລີ

ຕອນເຊົ້າວັນທີ 18 ພະຈິກນີ້ຢູ່ນະຄອນຣີໂອເດີຈາເນໂຣຂອງເບຣຊິນ, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ແອນໂທນີ ອານບາເນັສ ນາຍົກລັດຖະມົນຕີອົດສະຕຣາລີ ໃນໂອກາດເຂົ້າຮ່ວມກອງປະຊຸມສຸດຍອດກຸ່ມ G20 ຄັ້ງທີ 19.

ໃນໂອກາດນີ້, ທ່ານ ສີຈິ້ນຜິງ ຊີ້ໃຫ້ເຫັນວ່າ: ຈີນ-ອົດສະຕຣາລີບໍ່ມີຄວາມຂັດແຍ້ງກັນດ້ານຜົນປະໂຫຍດພື້ນຖານ, ຂໍພຽງແຕ່ສອງຝ່າຍຍຶດໝັ້ນຫຼັກການເຄົາລົບເຊິ່ງກັນແລະກັນ, ປະຕິບັດຕໍ່ກັນຢ່າງສະເໝີພາບກໍຄືສະແຫວງຫາສິ່ງທີ່ຄືກັນ ແລະ ສະຫງວນສິ່ງທີ່ແຕກຕ່າງກັນ, ສາຍພົວພັນລະຫວ່າງຈີນ-ອົດສະຕຣາລີຈະໄດ້ຮັບການພັດທະນາເປັນຢ່າງດີແນ່ນອນ. ຈີນຍິນດີສຸມຄວາມພະຍາຍາມຮ່ວມກັບອົດສະຕຣາລີ, ຊຸກຍູ້ການສ້າງສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ອົດສະຕຣາລີທີ່ສຸກງອມ ໝັ້ນທ່ຽງ ແລະ ມີຜົນສໍາເລັດອັນອຸດົມສົມບູນກວ່າເກົ່າ ເພື່ອເພີ່ມຄວາມໝັ້ນທ່ຽງ ແລະ ຄວາມແນ່ນອນຢູ່ໃນພາກພື້ນ ແລະ ສາກົນໃຫ້ຫຼາຍຂຶ້ນກວ່າເກົ່າ.

ທ່ານ ອານບາເນັສ ຢືນຢັນວ່າ: ອົດສະຕຣາລີຍຶດໝັ້ນນະໂຍບາຍປະເທດຈີນດຽວຢ່າງເດັດດ່ຽວ, ຄັດຄ້ານການຕັດສາຍພົວພັນກັນ ແລະ ມີຈຸດຢືນໃຫ້ຊຸກຍູ້ເສດຖະກິດໂລກາພິວັດ, ຫວັງຢາກຮ່ວມກັບຈີນ ເພີ່ມທະວີການຮ່ວມມືໃນຂົງເຂດຕ່າງໆ ເຊັ່ນ: ການຫັນປ່ຽນໂຄງປະກອບດ້ານພະລັງງານ ແລະ ການປ່ຽນແປງຂອງດິນຟ້າອາກາດ ເປັນຕົ້ນ. ອົດສະຕຣາລີສະແດງຄວາມຊົມເຊີຍຕໍ່ຈີນທີ່ໄດ້ເສີມຂະຫຍາຍບົດບາດອັນສໍາຄັນເຂົ້າໃນກົນໄກຫຼາຍຝ່າຍຕ່າງໆ ເຊັ່ນ: ອົງການຮ່ວມມືເສດຖະກິດອາຊີ-ປາຊິຟິກ ເປັນຕົ້ນ, ພ້ອມທັງຍິນດີເພີ່ມທະວີການແລກປ່ຽນຄວາມເຫັນຫຼາຍຝ່າຍກັບຈີນ ເພື່ອສົ່ງເສີມສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງໃນພາກພື້ນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ