ທ່ານສີຈິ້ນຜິງພົບປະກັບປະທານາທິບໍດີອິນໂດເນເຊຍ

ຕອນບ່າຍວັນທີ 9 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານປຣາໂບໂວ ຊຸບຽນໂຕ (Prabowo Subianto) ປະທານາທິບໍດີອິນໂດເນເຊຍທີ່ເດີນທາງມາຢ້ຽມຢາມຈີນທາງລັດຖະກິດຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.

ທ່ານສີຈິ້ນຜິງກ່າວເນັ້ນວ່າ, ສອງຝ່າຍຄວນປັບປຸງຄວາມໄວ້ເນື້ອເຊື່ອໃຈກັນທາງດ້ານຍຸດທະສາດທີ່ມີລະດັບສູງກວ່າເກົ່າ, ຮັດແໜ້ນການໄປມາຫາສູ່ກັນລະຫວ່າງການນຳຂັ້ນສູງ ແລະ ການຮ່ວມມືລະຫວ່າງລັດຖະບານ ອົງການນິຕິບັນຍັດ ແລະ ອົງການປົກຄອງທ້ອງຖິ່ນ, ເພີ່ມທະວີການແລກປ່ຽນບົດຮຽນດ້ານການປົກຄອງບໍລິຫານປະເທດ, ສະໜັບສະໜູນເຊິ່ງກັນ ແລະ ກັນໃນການຄົ້ນຫາເສັ້ນທາງຫັນເປັນທັນສະໄໝທີ່ສອດຄ່ອງກັບສະພາບເງື່ອນໄຂຕົວຈິງຂອງປະເທດຕົນ ຢ່າງເດັດດ່ຽວ, ສະໜັບສະໜູນເຊິ່ງກັນ ແລະກັນ ໃນການປົກປ້ອງຜົນປະໂຫຍດແກນກາງ ແລະ ບັນຫາທີ່ສອງຝ່າຍໃຫ້ຄວາມສົນໃຈ. ຄວນປັບປຸງແຜນການຮ່ວມມືຍຸດທະສາດໃຫ້ສົມບູນຂຶ້ນຕື່ມອີກ, ສ້າງການຮ່ວມມື “5 ເສົາຄ້ຳ” ຄື ການເມືອງ ເສດຖະກິດ ວັດທະນະທຳ ວຽກງານເທິງທະເລ ແລະ ຄວາມໝັ້ນຄົງ. ຈີນຍິນດີຮ່ວມກັບອິນໂດເນເຊຍດຳເນີນການປະສານງານດ້ານຍຸດທະສາດຫຼາຍຝ່າຍຢ່າງສະໜິດແໜ້ນກວ່າເກົ່າ, ຄັດຄ້ານລັດທິຝ່າຍດຽວ ແລະ ລັດທິປົກປ້ອງການຄ້າ, ຊຸກຍູ້ເສດຖະກິດໂລກາພິວັດທີ່ຫັນເປັນຫຼາຍຂົ້ວ ມີຜົນປະໂຫຍດຢ່າງທົ່ວເຖິງ ມີລັກສະນະກວມລວມ ພ້ອມທັງມີຄວາມສະເໝີພາບ ແລະ ເປັນລະບຽບ, ຮ່ວມກັນປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ.

ທ່ານປຣາໂບໂວ ຊຸບຽນໂຕກ່າວວ່າ, ອິນໂດເນເຊຍສະໜັບສະໜູນຢ່າງເຕັມທີ່ຕໍ່ຫຼັກໝັ້ນຂອງລັດຖະບານຈີນໃນບັນຫາໄຕ້ຫວັນ, ປະຕິບັດຕາມນະໂຍບາຍປະເທດຈີນດຽວຢ່າງເດັດດ່ຽວ, ສະໜັບສະໜູນຄວາມພະຍາຍາມຂອງຈີນໃນການປົກປັກຮັກສາຜືນແຜ່ນດິນອັນຄົບຖ້ວນ ແລະ ທ້ອນໂຮມປະເທດຊາດເຂົ້າເປັນເອກະພາບນັ້ນຢ່າງເດັດດ່ຽວ. ວຽກງານທີ່ກ່ຽວຂ້ອງກັບເຂດຊິ່ນຈ່ຽງເປັນວຽກງານພາຍໃນຂອງຈີນຢ່າງເຕັມສ່ວນ, ອິນໂດເນເຊຍຍຶດໝັ້ນຫຼັກການທີ່ບໍ່ແຊກແຊງວຽກງານພາຍໃນຂອງປະເທດອື່ນ, ສະໜັບສະໜູນຄວາມພະຍາຍາມຂອງຈີນໃນການປົກປ້ອງການພັດທະນາ ແລະ ຄວາມໝັ້ນຄົງຢູ່ເຂດຊິ່ນຈ່ຽງຈີນນັ້ນຢ່າງເດັດດ່ຽວ. ສະໜັບສະໜູນ3 ຂໍ້ລິເລີ່ມທົ່ວໂລກ ທີ່ສະເໜີໂດຍທ່ານສີຈິ້ນຜິງ, ຍິນດີປະສານງານຢ່າງໃກ້ຊິດກັບຈີນໃນຂອບຫຼາຍຝ່າຍ ເຊັ່ນ: ກຸ່ມ 20 ປະເທດ ແລະອື່ນໆ, ສຸມຄວາມພະຍາຍາມຮ່ວມກັນເພື່ອປົກປ້ອງຜົນປະໂຫຍດຮ່ວມຂອງເຂດໂລກໃຕ້, ຊຸກຍູ້ການຫັນເປັນຫຼາຍຂົ້ວຂອງໂລກ ແລະ ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ