ທ່ານ ສີຈິ້ນຜິງ ເຂົ້າຮ່ວມກອງປະຊຸມສຸດຍອດ “ອົງການຮ່ວມມືຊຽງໄຮ+” ແລະກ່າວຄໍາປາໄສທີ່ສໍາຄັນ
ຕອນບ່າຍວັນທີ 4 ກໍລະກົດນີ້, ທ່ານ ສີຈິ້ນຜິງ ປະທານປະເທດຈີນໄດ້ເຂົ້າຮ່ວມກອງປະຊຸມສຸດຍອດ “ອົງການຮ່ວມມືຊຽງໄຮ+” ຢູ່ນະຄອນຫຼວງອັສທານາປະເທດກາຊັກສະຖານ ແລະ ກ່າວຄໍາປາໄສທີ່ສໍາຄັນພາຍໃຕ້ຫົວຂໍ້ “ຮ່ວມກັນສ້າງບ້ານເມືອງທີ່ດີງາມກວ່າເກົ່າຂອງອົງການຮ່ວມມືຊຽງໄຮ”.
ເນື້ອໃນຄໍາປາໄສຂອງທ່ານ ສີຈິ້ນຜິງ ຊີ້ໃຫ້ເຫັນວ່າ: ປັດຈຸບັນ, ການປ່ຽນແປງຂອງໂລກ, ການປ່ຽນແປງຂອງຍຸກສະໄໝ ແລະ ການປ່ຽນແປງຂອງປະຫວັດສາດພວມດໍາເນີນດ້ວຍຮູບແບບທີ່ບໍ່ເຄີຍມີມາກ່ອນ.
ເພື່ອຮັບມືກັບສະພາບການປ່ຽນແປງຄືແນວນີ້, ທ່ານ ສີຈິ້ນຜິງ ໄດ້ສະເໜີຂໍ້ສະ ເໜີ 5 ຂໍ້ຄື: 1, ສ້າງບ້ານເມືອງຮ່ວມກັນທີ່ສາມັກຄີ ແລະ ໄວ້ເນື້ອເຊື່ອໃຈກັນ. ຈີນສະເໜີໃຫ້ບັນດາປະເທດສະມາຊິກອົງການຮ່ວມມືຊຽງໄຮເພີ່ມທະວີການແລກ ປ່ຽນບົດຮຽນດ້ານການບໍລິຫານປະເທດ ແລະ ການຄຸ້ມຄອງລັດ, ຊອກຫາໂອກາດທີ່ເໝາະສົມຈັດເວທີເປິກສາຫາລືພັກການເມືອງອົງການຮ່ວມມືຊຽງໄຮ.
2, ສ້າງບ້ານເມືອງຮ່ວມກັນທີ່ມີສັນຕິພາບ ແລະ ຄວາມສະຫງົບ. ຄວນປັບປຸງມາດຕະການ ແລະ ກົນໄກຮ່ວມມືດ້ານຄວາມໝັ້ນຄົງໃຫ້ສົມບູນຂຶ້ນ, ເລັ່ງລັດສ້າງສູນສັງລວມເພື່ອຮັບມືກັບໄພຂົ່ມຂູ່ ແລະ ສິ່ງທ້າທາຍດ້ານຄວາມໝັ້ນຄົງ ກໍຄືອົງການຈັດຕັ້ງທີ່ຂຶ້ນກັບສູນດັ່ງກ່າວ.
3, ສ້າງບ້ານເມືອງຮ່ວມກັນທີ່ມີຄວາມຈະເລີນຮຸ່ງເຮືອງ. ຈີນລິເລີ່ມສ້າງຕັ້ງສະຫະພັນການສຶກສາດິຈິຕອນອົງການຮ່ວມມືຊຽງໄຮ ເພື່ອຊຸກຍູ້ລະບົບຄຸ້ມຄອງຂອງອົງການຮ່ວມມືຊຽງໄຮໃຫ້ກາຍເປັນແບບທັນສະໄໝ.
4, ສ້າງບ້ານເມືອງຮ່ວມກັນຖານບ້ານໃກ້ເຮືອນຄຽງທີ່ດີຕໍ່ກັນ.
5, ສ້າງບ້ານເມືອງຮ່ວມກັນທີ່ມີຄວາມຍຸຕິທໍາ ແລະ ຄວາມເປັນທໍາ. ຮ່ວມກັນສົ່ງເສີມການຫັນເປັນຫຼາຍຂົ້ວຂອງໂລກທີ່ມີຄວາມສະເໝີພາບ ແລະ ເປັນລະບຽບ ກໍຄືເສດຖະກິດໂລກາພິວັດທີ່ໃຫ້ຜົນປະໂຫຍດຢ່າງທົ່ວເຖິງ ແລະ ກວມລວມ, ຈັດຕັ້ງປະຕິບັດລັດທິຫຼາຍຝ່າຍທີ່ແທ້ຈິງ.
ທ່ານ ຄາຊິມ ໂຈມາດ ໂຕຄາເຢັຟ ປະທານາທິບໍດີກາຊັກສະຖານ ເຊິ່ງເປັນປະເທດປະທານໝູນວຽນຂອງອົງການຮ່ວມມືຊຽງໄຮ ໄດ້ເປັນປະທານກອງປະຊຸມຄັ້ງນີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ພ້ອມດ້ວຍບັນດາຜູ້ຮັບຜິດຊອບອົງການຈັດຕັ້ງສາກົນ ແລະ ພາກພື້ນໄດ້ເຂົ້າຮ່ວມກອງປະຊຸມ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ
ກຸ່ມແມ່ເຖົ້າຜູ້ໃຈບຸນ
ສິນຄ້າຈີນໄດ້ຮັບຄວາມນິຍົມຊົມຊອບຈາກການແຂ່ງຂັນບານເຕະຊີງແຊັມເອີຣົບ
【ນີ້ແມ່ນທະເລຈີນໃຕ້ຂອງຈີນ】ຕົວພິນຢິນຈີນໃນແຜນທີ່ອາເມຣິກາສະບັບໜຶ່ງ
【ນີ້ແມ່ນທະເລຈີນໃຕ້ຂອງຈີນ】ລະນຶກເຖິງທ່ານໂຈ່ວເວີຍມິນ
【ນີ້ແມ່ນທະເລຈີນໃຕ້ຂອງຈີນ】ແຜນທີ່ບູຮານຂອງທະເລຈີນໃຕ້
ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ
Copyright © cri.cn All Rights Reserved