ທ່ານສີຈິ້ນຜິງຢ້ຽມຢາມສຳຫຼວດນະຄອນຈາວຈ່ວງ

cri2023-09-26 16:03:57

ຕອນບ່າຍວັນທີ 24 ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປຢ້ຽມຢາມສຳຫຼວດນະຄອນຈາວຈ່ວງ, ແຂວງຊ່ານຕົ່ງຈີນ. ນະຄອນຈາວຈ່ວງແມ່ນໜຶ່ງໃນເຂດປູກໝາກພິລາທີ່ມີເນື້ອທີ່ປູກຝັງໃຫຍ່ທີ່ສຸດ, ແນວພັນຫຼາຍທີ່ສຸດ ແລະ ຕ່ອງໂສ້ອຸດສາຫະກຳຄົບຖ້ວນທີ່ສຸດ. ທ່ານສີຈິ້ນຜິງຊີ້ໃຫ້ເຫັນວ່າ: ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ, ຄວາມຕ້ອງການຂອງຕະຫຼາດຜະລິດຕະພັນພື້ນບ້ານທີ່ມີຄຸນນະພາບດີໄດ້ເພີ່ມຂຶ້ນ, ຂະແໜງການໝາກພິລາມີກຳລັງບົ່ມຊ້ອນດ້ານການພັດທະນາ. ຕ້ອງພັດທະນາຜະລິດຕະພັນໃຫ້ດີ, ຍົກສູງຄຸນນະພາບ, ຂະຫຍາຍຕ່ອງໂສ້ອຸດສາຫະກຳ, ເພີ່ມທະວີຄວາມສາມາດດ້ານການແຂ່ງຂັນຢູ່ຕະຫຼາດ ແລະ ປະສິດທິຜົນສັງລວມຂອງຂະແໜງການ, ນຳພາປະຊາຊົນຫຼາຍກວ່າເກົ່າສ້າງຄວາມຮັ່ງມີຮ່ວມກັນ.