ພາສາລາວ

ທ່ານສີຈິ້ນຜິງພົບປະກັບປະທານາທິບໍດີ ສ.ເກົາຫຼີ

cri2022-11-16 11:12:34
Share
Share this with Close
Messenger Pinterest LinkedIn

ຕອນບ່າຍວັນທີ 15 ພະຈິກນີ້, ທ່ານສີຈິ້ນຜິງ ປະທານປະເທດຈີນ ໄດ້ພົບປະກັບທ່ນ ຢູນຊົກເຢວ ປະທານາທິບໍດີ ສ.ເກົາຫຼີຢູ່ເກາະບາຫຼີປະເທດອິນໂດເນເຊຍ.

ທ່ານສີຈິ້ນຜິງຊີ້ໃຫ້ເຫັນວ່າ: ປີນີ້ຈີນ-ສ.ເກົາຫຼີສ້າງສາຍພົວພັນທາງການທູດຄົບຮອບ 30 ປີ. ປະຫວັດສາດ 30 ປີສະແດງໃຫ້ເຫັນວ່າ: ສາຍພົວພັນຈີນ-ສ.ເກົາຫຼີພັດທະນາຢ່າງປອດໃສ ແລະໝັ້ນທ່ຽງສອດຄ່ອງກັບຜົນປະໂຫຍດພື້ນຖານຂອງປະຊາຊົນສອງປະເທດ.

ທ່ານສີຈິ້ນຜິງກ່າວເນັ້ນໜັກວ່າ: ສອງຝ່າຍຕ້ອງເພີ່ມທະວີການຕິດຕໍ່ພົວພັນຍຸດທະສາດ, ເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງ. ເສດຖະກິດຈີນ-ສ.ເກົາຫຼີຊ່ວຍຊູຍູ້ໜູນກັນໃນລະດັບສູງ, ຕ້ອງຊຸກຍູ້ການເຊື່ອມຈອດດ້ານຍຸດທະສາດການພັດທະນາ, ເພື່ອບັນລຸໃຫ້ສອງປະເທດພັດທະນາ ແລະຈະເລີນຮຸ່ງເຮືອງຮ່ວມກັນ.

ທ່ານ ຢູນຊົກເຢວ ກ່າວວ່າ: ສ.ເກົາຫຼີຫວັງຈະຮັກສາການໄປມາຫາສູ່ກັນລະດັບຕ່າງໆກັບຈີນ,ເພີ່ມທະວີການແລກປ່ຽນດ້ານວັດທະນະທຳ, ເພີ່ມທະວີໄມຕີຈິດມິດຕະພາບລະຫວ່າງປະຊາຊົນ, ປົກປັກຮັກສາໂຄງປະກອບການຄ້າເສລີ, ຮ່ວມກັນຮັບມືກັບສິ່ງທ້າທາຍລັກສະນະທົ່ວໂລກ.

Share this story on

Messenger Pinterest LinkedIn