ພາສາລາວ

ຍຶດໝັ້ນການພັດທະນາແບບຍືນຍົງ ຮ່ວມກັນສ້າງປະຊາຄົມຮ່ວມຊາຕາກຳອາຊີປາຊີຟິກ

cri2021-11-11 11:41:20
Share
Share this with Close
Messenger Pinterest LinkedIn

ວັນທີ 11 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສ ທີ່ມີຫົວຂໍ້ວ່າ “ຍຶດໝັ້ນການພັດທະນາແບບຍືນຍົງ ຮ່ວມກັນສ້າງປະຊາຄົມຮ່ວມຊາຕາກຳອາຊີປາຊີຟິກ” ຕໍ່ກອງປະຊຸມສຸດຍອດຜູ້ນຳດ້ານອຸດສາຫະກຳການຄ້າຂອງອົງການຮ່ວມມືເສດຖະກິດອາຊີປາຊີຟິກ ຫຼື APEC ຜ່ານທາງວີດີໂອຈາກນະຄອນຫຼວງປັກກິ່ງຕາມຄຳເຊື້ອເຊີນ.

ທ່ານສີຈິ້ນຜິງກ່າວວ່າ, ປະຈຸບັນນີ້, ພະຍາດໂຄວິດ-19 ຍັງແຜ່ລະບາດຢ່າງໜັກໜ່ວງຢູ່ທົ່ວໂລກ, ເສດຖະກິດໂລກຟື້ນຄືນຢ່າງລຳບາກ. ພາກພື້ນອາຊີປາຊີຟິກຄວນແບກຫາບຄວາມຮັບຜິດຊອບຂອງຍຸກສະໄໝຢ່າງກ້າຫານ, ເສີມຂະຫຍາຍບົດບາດນຳໜ້າ, ເດັດດ່ຽວກ້າວໄປສູ່ເປົ້າໝາຍການສ້າງປະຊາຄົມຮ່ວມຊາຕາກຳອາຊີປາຊີຟິກ. ທ່ານສີຈິ້ນຜິງໄດ້ວາງຂໍ້ສະເໜີ 4 ຂໍ້, ຄື:

ໜຶ່ງ, ພະຍາຍາມສຸດຂີດເພື່ອຕ້ານກັບພະຍາດ. ຍິ່ງເປັນໄລຍະເວລາທີ່ຫຍຸ້ງຍາກລຳບາກ, ຍິ່ງຕ້ອງຮັກສາຄວາມໝັ້ນໃຈໃຫ້ເດັດດ່ຽວໜຽວແໜ້ນ, ແລະຍິ່ງຕ້ອງມີຄວາມສຸຂຸມ ແລະ ມານະຈິດອົດທົນ. ເມື່ອປະເຊີນໜ້າກັບການທົດສອບທີ່ພົວພັນເຖິງອະນາຄົດ ແລະ ຊາຕາກຳຂອງມວນມະນຸດ, ກຸ່ມເສດຖະກິດຕ່າງໆ ແລະ ວົງການຕ່າງໆຂອງອາຊີຟາຊີຟິກຕ້ອງຍຶດໝັ້ນໃນຫຼັກການທີ່ຖືປະຊາຊົນ ແລະ ຊີວິດໄວ້ໃນລະດັບສູງສຸດ, ເຊີດຊູນ້ຳໃຈວິທະຍາສາດ, ສາມັກຄີເປັນຈິດໜຶ່ງໃຈດຽວກັນ, ພະຍາຍາມຍາດເອົາໄຊຊະນະສຸດທ້າຍໃນການຕ້ານກັບພະຍາດໃຫ້ໄດ້ໃນທີ່ສຸດ.

ສອງ, ຍຶດໝັ້ນການເປີດປະຕູສູ່ພາຍນອກ ແລະ ການຮ່ວມມື. ຝ່າຍຕ່າງໆຄວນກຳແໜ້ນທ່າອ່ຽງລວມ, ເປັນເຈົ້າການເປີດກວ້າງການເປີດປະຕູສູ່ພາຍນອກຢ່າງຕັ້ງໜ້າ, ຊຸກຍູ້ໃຫ້ການຄ້າ ແລະ ການລົງທຶນຫັນເປັນເສລີ ແລະ ມີຄວາມສະດວກ, ເຮັດໃຫ້ຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງມີຄວາມໝັ້ນທ່ຽງ ແລະ ໂລ່ງລ່ຽນ, ຊຸກຍູ້ການຟື້ນຟູເສດຖະກິດ, ບັນລຸການພັດທະນາແບບປະສານສົມທົບກັນ.

ສາມ, ຊຸກຍູ້ການຫັນປ່ຽນຮູບແບບການພັດທະນາຕາມທິດສີຂຽວ. ຕ້ອງຍຶດໝັ້ນໃນຫຼັກການທີ່ມີຄວາມຮັບຜິດຊອບຮ່ວມກັນ ແຕ່ມີພັນທະແຕກຕ່າງກັນ, ຈັດຕັ້ງປະຕິບັດ “ສັນຍາປາຣີ” ກ່ຽວກັບການຮັບມືກັບການປ່ຽນແປງຂອງດິນຟ້າອາກາດ ແລະ ໝາກຜົນຂອງກອງປະຊຸມໃຫຍ່ປະເທດພາຄີໃນສົນທິສັນຍາວ່າດ້ວຍຊີວະນານາພັນຄັ້ງທີ 15ໃຫ້ດີ, ຮ່ວມກັນເດີນຕາມເສັ້ນທາງການພັດທະນາຕາມທິດສີຂຽວ ກາກບອນຕ່ຳ ແລະ ຍືນຍົງ.

ສີ່, ຊຸກຍູ້ການປະດິດສ້າງໃໝ່ຢ່າງຕັ້ງໜ້າ. ຕ້ອງເລັ່ງລັດການປະດິດສ້າງໃໝ່ດ້ານວິທະຍາສາດເຕັກໂນໂລຊີ ແລະ ລະບຽບການ, ຊຸກຍູ້ໃຫ້ໝາກຜົນດ້ານວິທະຍາສາດເຕັກໂນໂລຊີຫັນປ່ຽນເປັນກຳລັງການຜະລິດ, ເສີມສ້າງແຮງຂັບເຄື່ອນອັນໃໝ່ໃນການພັດທະນາເສດຖະກິດ. ເພີ່ມທະວີການປະສານງານໃນການປະດິດສ້າງໃໝ່ດ້ານວິທະຍາສາດເຕັກໂນໂລຊີລະຫວ່າງສະມາຊິກອົງການAPEC, ສ້າງສະພາບແວດລ້ອມທີ່ເປີດກວ້າງ ຍຸຕິທຳ ເປັນທຳ ແລະ ບໍ່ມີການຈຳແນກໃຫ້ແກ່ການພັດທະນາວິທະຍາສາດເຕັກໂນໂລຊີ. ວົງການອຸດສາຫະກຳການຄ້າ ຄວນພະຍາຍາມໃຫ້ກາຍເປັນກຳລັງຫຼັກແຫຼ່ງໃນການທຸ່ມເທເຂົ້າໃນການຄົ້ນຄວ້າພັດທະນາ ແລະ ຫັນປ່ຽນໝາກຜົນດ້ານວິທະຍາສາດເຕັກໂນໂລຊີໃຫ້ກາຍເປັນກຳລັງການຜະລິດຕົວຈິງ.

ທ່ນສີຈິ້ນຜິງກ່າວຕື່ມວ່າ, ຈີນໄດ້ບັນລຸເປົ້າໝາຍທີ່ສ້າງສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານຕາມເວລາກຳນົດ, ໄດ້ເປີດຂະບວນການໃໝ່ທີ່ສ້າງສາປະເທດສັງຄົມນິຍົມທີ່ທັນສະໄໝຢ່າງຮອບດ້ານ, ສິ່ງນີ້ຈະສ້າງໂອກາດອັນໃຫຍ່ຫຼວງກວ່າເກົ່າໃຫ້ກັບພາກພື້ນອາຊີປາຊີຟິກ. ຈີນຈະເດັດດ່ຽວຊຸກຍູ້ການປະຕິຮູບ ແລະ ເປີດປະຕູສູ່ພາຍນອກ, ເພີ່ມແຮງຊຸກດັນໃຫ້ແກການພັດທະນາເສດຖະກິດຂອງພາກພື້ນອາຊີປາຊີຟິກ. ຊຸກຍູ້ການຫັນປ່ຽນຮູບແບບການພັດທະນາຕາມທິດສີຂຽວຢ່າງຮອບດ້ານ, ປະກອບສ່ວນເຂົ້າໃນການສ້າງຄວາມສິວິໄລດ້ານນິເວດຂອງອາຊີປາຊີຟິກກໍຄື ຂອງໂລກ. ອອກແຮງຊຸກຍູ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ປະກອບສ່ວນເຂົ້າໃນການພັດທະນາເສດຖະກິດຂອງພາກພື້ນອາຊີປາຊີຟິກ. ຍຶດໝັ້ນໃນລັດທິຫຼາຍຝ່າຍທີ່ແທ້ຈິງ, ຕັ້ງໜ້າເຂົ້າຮ່ວມການຄຸ້ມຄອງເສດຖະກິດໂລກ, ຊຸກຍູ້ການສ້າງເສດຖະກິດໂລກແບບເປີດກວ້າງ.

Share with:

2021-11-11 11:41:20 CRI

ຍຶດໝັ້ນການພັດທະນາແບບຍືນຍົງ ຮ່ວມກັນສ້າງປະຊາຄົມຮ່ວມຊາຕາກຳອາຊີປາຊີຟິກ

Share this story on

Messenger Pinterest LinkedIn