location:laos.china.com > ຂ່າວ > ຂ່າວໂລກ > ເນື້ອໃນ

ໄຂງານ​ໂອ​ລິມ​ປິກ​ລະ​ດູ​ໜາວ​ຄັ້ງ​ທີ 23 ຢູ່​ພຽງ​ຊາງ​ປະ​ເທດ ສ.ເກົາ​ຫຼີ

2018-02-10 17:49:21

ງານ​ໂອ​ລິມ​ປິກ​ລະ​ດູ​ໜາວ​ຄັ້ງ​ທີ 23 ໄດ້​ໄຂຂຶ້ນ​ຢູ່​ເມືອງ​ພຽງ​ຊາງ​ປະ​ເທດ ສ.ເກົາ​ຫຼີ ໃນ​ເວ​ລາ 20 ໂມງ​ຂອງວັນ​ທີ 9 ກຸມ​ພາ​ນີ້​ຕາມ​ເວ​ລາ​ທ້ອງ​ຖິ່ນ. ທ່ານ ຮານ​ເຈີ້ງ ກຳ​ມະ​ການ​ປະ​ຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູ​ນິດ​ຈີນ ​ຜູ້​ຕາງ​ໜ້າ​ພິ​ເສດ​ຂອງທ່ານ ສີ​ຈິ້ນ​ຜິງ ​ປະ​ທານ​ປະ​ເທດ​ຈີນ ໄດ້​ເຂົ້າ​ຮ່ວມ​ພິ​ທີ​ໄຂ.

ເວ​ລາ 20 ໂມງ​ຂອງ​ມື້​ດັ່ງ​ກ່າວ, ພິ​ທີ​ໄຂ​ງານ​ໂອ​ລິມ​ປິກ​ລະ​ດູ​ໜາວ​ພຽງ​ຊາງ​ໄດ້​ເລີ່ມ​ຂຶ້ນໃນ​ທ່າມ​ກາງ​ສຽງ​ຮ້ອງ​ນັ​ບ​ເວ​ລາ​ຖອຍ​ຄືນ​ຫຼັງ​ຂອງ​ຜູ້​ຊົມ​. ໃນ​ເວ​ລາ​ຄະ​ນະ​ຜູ້​ແທນ​ຂອງ ສ.ເກົາ​ຫຼີ ແລະ ສ​ປ​ປ ເກົາ​ຫຼີ ໄດ້​ຮ່ວມ​ກັນ​ເດີນ​ເຂົ້າ​ສູ່​ສະ​ໜາມ​ກິ​ລາ​ໂດຍ​ຖື​ທຸງ​ແຫຼມ​ເກົາ​ຫຼີ ກໍ່​ໄດ້​ຮັບ​ຄວາມ​ໄຊ​ໂຍ​ໂຮ​ຮ້ອງ​ຢ່າງ​ຄຶກ​ຄື້ນ​ຈາກ​ຜູ້​ຊົມ. ຫຼັງ​ຈາກ​ນັ້ນ, ໄດ້​ມີ​ການ​ສະ​ແດງ​ລາຍ​ການ​ຂະ​ໜາດ​ໃຫຍ່​ທີ່​ສັນ​ຕິ​ພາບ​ເປັນ​ຫົວ​ຂໍ້​ຫຼັກ.

ທ່ານ ໂທ​ມັ​ສ ບາ​ຊີ ປະ​ທານ​ຄະ​ນະ​ກຳ​ມະ​ການງານ​ໂອ​ລິມ​ປິກ​ສາ​ກົນ​ໄດ້​ກ່າວ​ຄຳ​ປາ​ໄສ​ໃນ​ພິ​ທີ​ໄຂ​ງານ​ໂດຍ​ເຊື່ອ​ວ່າ​ງານ​ໂອ​ລິ​ມ​ປິກ​ລະ​ດູ​ໜາວ​ຄັ້ງ​ນີ້​ຈະ​ກາຍ​ເປັນ​ງານ​ມະໂຫລານ​ຄັ້ງ​ໜຶ່ງທີ່​ມີ​ຄວາມ​ສາ​ມັກ​ຄີ,ໂອບ​ເອື້ອອາ​ລີ,ຄວາມ​ກົມ​ກຽວ​ແລະ​ສັນ​ຕິ​ພາບ.

ໃນ​ງານ​ກິ​ລາຄັ້ງ​ນີ້, ຈີນ​ໄດ້​ສົ່ງ​ຄະ​ນະ​ຜູ້​ແທນ​ທີ່​ປະ​ກອບ​ດ້ວຍ 181 ຄົນເຂົ້າ​ຮ່ວມ, ນັກ​ກິ​ລາ​ຂອງ​ຄະ​ນະ​ຜູ້​ແທນ​ຈາກ 92 ປະ​ເທດ​ແລະ​ເຂດ​ແຄວ້ນ 2.900 ກວ່າ​ຄົນ​ຈະ​ເຂົ້າ​ຮ່ວມ​ການ​ແຂ່ງ​ຂັນ 7 ລາຍ​ການ​ໃຫຍ່, 15 ລາຍ​ການ​ຍ່ອຍ​ແລະ 102 ລາຍ​ການ​ນ້ອຍ, ນັກ​ກິ​ລາ​ທີ່​ມາ​ຈາກ​ເອກວາ​ດໍ,ເອີ​ຣີ​ຕ​ຣີ,ໂຄ​ໂຊວໍ,ມາ​ເລ​ເຊຍ,ນີ​ເຊ​ຣີແລະ​ສິງ​ກະ​ໂປ​ແມ່ນ​ໄດ້​ເຂົ້າ​ຮ່​ວມ​ງານ​ໂອ​ລິມ​ປິກ​ລະ​ດູ​ໜາວ​ເປັນຄັ້ງ​ທຳ​ອິດ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ