location:laos.china.com > ຂ່າວ > ຂ່າວຈີນ > ເນື້ອໃນ

ທ່ານ ສີຈິ້ນຜິງ ພົບປະກັບບັນດາທູຕານຸທູດທີ່ເຂົ້າຮ່ວມກອງປະຊຸມວຽກງານທູຕານຸທູດຈີນປະຈຳຕ່າງປະເທດປີ 2019

2019-07-18 11:18:58

ວັນທີ 17 ກໍລະກົດນີ້, ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ, ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດຈີນ,ປະທານຄະນະກຳມະການການທະຫານສູນກາງຈີນໄດ້ຕ້ອນຮັບບັນດາທູຕານຸທູດທີ່ມາເຂົ້າຮ່ວມກອງປະຊຸມວຽກງານທູຕານຸທູດຈີນປະຈຳຕ່າງປະເທດປີ 2019,ທ່ານໄດ້ຕາງໜ້າສູນກາງພັກສະແດງຄວາມຊົມເຊີຍຢ່າງສຸດອົກສຸດໃຈຕໍ່ການຈັດກອງປະຊຸມວຽກງານທູຕານຸທູດຈີນປະຈຳຕ່າງປະເທດ,ສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ບັນດາທູຕານຸທູດແລະສະຫາຍທຸກຖ້ວນໜ້າທີ່ເຮັດວຽກການຕ່າງປະເທດຢ່າງດຸໝັ່ນ. ທ່ານ ສີຈິ້ນຜິງ ໄດ້ຈັບມືຢ່າງໃກ້ຊິດກັບບັນດາທູຕານຸທູດ,ໂອ້ລົມກັນ,ແລະໄດ້ຖ່າຍຮູບຮ່ວມກັນໄວ້ເປັນທີ່ລະນຶກ.

ທ່ານ ວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມການພົບປະແລະກ່າວຄຳປາໄສໃນກອງປະຊຸມ. ໂດຍກອງປະຊຸມໄດ້ວິເຄາະສະຖານະການສາກົນໃນປັດຈຸບັນຢ່າງເລິກເຊິ່ງແລະໄລຍະການພັດທະນາທາງປະຫວັດສາດຂອງຈີນ,ໄດ້ຮຽກຮ້ອງໃຫ້ບັນດາທູຕານຸທູດບໍ່ຄວນລືມອຸດົມການໃນຫົວທີ,ຈື່ຈຳພາລະໜ້າທີ່ຂອງຕົນຢ່າງໜັກແໜ້ນ,ພາຍໃຕ້ການຊີ້ນຳນຳພາທີ່ເຂັ້ມແຂງຂອງສູນກາງພັກທີ່ມີທ່ານ ສີຈິ້ນຜິງ ເປັນແກນກາງ, ຖືແນວຄິດການຕ່າງປະເທດຂອງທ່ານເປັນສິ່ງຊີ້ນຳ,ຈັດຕັ້ງປະຕິບັດການຈັດວາງວຽກງານກັບຕ່າງປະເທດທີ່ສຳຄັນຂອງສູນກາງພັກຢ່າງຮອບດ້ານ,ຂະຫຍາຍຕົວຢ່າງຫ້າວຫັນ,ກ້າວໄປໜ້າຢ່າງຕັ້ງໜ້າ,ເພື່ອຕ້ອນຮັບວັນສ້າງຕັ້ງປະເທດຈີນໃໝ່ຄົບຮອບ 70 ປີດ້ວຍຜົນງານທີ່ດີເດັ່ນ,ປະກອບສ່ວນອັນໃຫຍ່ຫຼວງກວ່າເກົ່າເຂົ້າໃນການບັນລຸເປົ້າໝາຍສູ້ຊົນ “ 100 ປີ 2 ເຫດການ” ແລະບັນລຸຄວາມໃຝ່ຝັນຂອງຈີນທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນຄືນໃໝ່.



ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ