location:laos.china.com > ຂ່າວ > ຂ່າວຈີນ > ເນື້ອໃນ

ທ່ານ​ສີ​ຈິ້ນ​ຜິງຢ້ຽມ​ຢາມ​ປະ​ຊາ​ຊົນ​ຂັ້ນ​ຮາກ​ຖານທີ່​ປັກ​ກິ່ງ​ກ່ອນ​ບຸນ​ກຸດ​ຈີນ​

2019-02-02 12:54:47

ແຕ່​ລະ​ປີ, ກ່ອນ​ບຸນ​ກຸດ​ຈີນ ເຊິ່ງ​ເປັນ​ບຸນ​ປະ​ເພ​ນີ​ສຳ​ຄັນ​ທີ່​ສຸດ​ຂອງ​ຈີນ​ໃກ້​ຈະ​ໝູນ​ວຽນ​ມາ​ເຖິງ, ທ່ານ​ສີ​ຈິ້ນ​ຜິງ​ໃນ​ຖາ​ນະ​ເປັນ​ຜູ້​ນຳ​ສູງ​ສຸດ​ຂອງ​ຈີນ​ກໍ​ໄດ້​ເດີນ​ທາງ​ລົງ​ຮາກ​ຖານ​ເພື່ອ​ຢື້​ຢາມ​ຖາມ​ຂ່າວ​ປະ​ຊາ​ຊົນ. ວັນ​ທີ 1 ກຸມ​ພາ​ນີ້ ກົງ​ກັບ​ມື້​ແຮມ 12 ຄ່ຳ ເດືອນ 12 ຕາມ​ຈັນ​ທະ​ຄະ​ຕິ​ຈີນ ເຊິ່ງ​ຫ່າງ​ຈາກ ​ບຸນ​ກຸດ​ຈີນ​ຍັງ​ອີກ​2-3ວັນ​ເທົ່າ​ນັ້ນ, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນໄດ້​ໄປ​ຢ້ຽມ​ຢາມ​ປະ​ຊາ​ຊົນ​ແລະ​ພ​ະ​ນັກ​ງານ​ຂັ້ນ​ຮາກ​ຖານ​ທີ່​ນະ​ຄອນຫຼວງ​ປັກ​ກິ່ງ ທັງ​ອວຍ​ໄຊ​ໃຫ້​ພອນ​ແລະ​ຖາມ​ສະ​ບາຍ​ດີ​​ປະ​ຊາ​ຊົນ​ບັນ​ດາ​ເຜົ່າ​ທົ່ວ​ປະ​ເທດ​ຈີນໃນ​ໂອ​ກາດ​ບຸນ​ກຸດ​ຈີນ​ໃກ້​ຈະ​ມາ​ເຖິງ.

     ຕອນເຊົ້າ​ວັນ​ທີ 1 ກຸມ​ພາ​ນີ້,ທ່ານ​ສີ​ຈິ້ນ​ຜິງ​ໄດ້​ເດີນ​ທາງໄປພະ​ແນກ​ປ້ອງ​ກັນ​ຄວາມ​ສະ​ຫງົບນະ​ຄອນຫຼວງ​ປັກ​ກິ່ງ ຖື​ວ່າ​ເປັນ​ສະ​ຖານ​ທີ່​ທຳ​ອິດ​ທີ່​ທ່ານ​​ໄປຢ້ຽມ​ຢາມ​ໃນ​ນະ​ຄອນຫຼວງ​ປັກ​ກິ່ງ​​ໃນຄັ້ງ​ນີ້ ໂດຍ​ທ່ານ​ສີ​ຈິ​ນ​ຜິງ​ໄດ້​ກ່າວ​ສະ​ແດງ​ຄວາມ​ຢື້​ຢາມ​ຖາມ​ຂ່າວ​ບັນ​ດາພະ​ນັກ​ງານ​ຕຳຫຼວດ​ທັງ ​ກ່າວຢື້​ຢາມ​ຖາມ​ຂ່າວເຈົ້າ​ໜ້າ​ທີ່​ຕຳຫຼວດ​ທີ່​ກຳ​ລັງ​ປະ​ຕິ​ບັດ​ໜ້າ​ທີ່​ຢູ່​ກາງ​ແຈ້ງ​ໂດຍ​ຜ່ານ​ການ​ສົນ​ທະ​ນາ​ທາງວິ​ດີ​ໂອ. ທ່ານ​ສີ​ຈິ້ນ​ຜິງ​ຍັງ​ໄດ້​ເດີນ​ທາງ​ໄປ​ຢ້ຽມ​ຢາມ​ຮ່ອມ​ສາວ​ສ້າງ​ຊື້​ທຽວ​ໃນ​ເຂດ​ຕາ​ເວັນ​ອອກ​ສຽນ​​ເໝີນ​ປັກ​ກິ່ງ​ໂດຍ​ທ່ານ​ໄດ້​ຍ່າງ​ເລາະ​ຢ້ຽມ​ຊົມ​ຖະ​ໜົນ​ຕ່າງໆ ,ໄປ​ຢາມ​ເຮືອນ​ປະ​ຊາ​ຊົນ ​ແລະສົນ​ທະ​ນາ​ກັບ​ປະ​ຊາ​ຊົນ, ຮ່ວມ​​ກັບ​ປະ​ຊາ​ຊົນ​ຫໍ່​ເຂົ້າ​ໜົມ​ກ້ຽວ​ກຽມ​ໄວ້​ເພື່ອ​ສະຫຼອງບຸນ​ກຸດ​ຈີນ ​ດ້ວຍ​ຄວາມ​ສະ​ໜິດ​ສະ​ໜົມ​ເປັນ​ກັນ​ເອງ​ທັງ​ໄດ້​ກ່າວ​ຜ່ານ​ຊາວ​ນະ​ຄອນຫຼວງ​ປັກ​ກິ່ງ​ຢູ່​ບໍ​ລິ​ເວນນັ້ນ​ເພື່ອ​ຝາກ​ຄຳ​ອວຍ​ພອນ​ໄຊ​​ປີ​ໃໝ່ອັນ​ປະ​ເສີດ​ ເຖິງ​ປະ​ຊາ​ຊົນ​​ບັນ​ດາ​ເຜົ່າ. ທ່ານ​ກ່າວ​ວ່າ:

 “ນະ​ທີ່​ນີ້, ຂ້າ​ພະ​ເຈົ້າ​ຂໍ​ອວຍ​ພອນ​ບຸນ​ກຸດ​ຈີນ​ເຖິງ​ບັນ​ດາ​ທ່ານ​ກໍ​ຄື​ປະ​ຊົນ​ບັນ​ດາ​ເຜົ່າ​ທົ່ວ​ປະ​ເທດ, ຂໍ​ອວຍ​ພອນ​ໄຊ​ໃຫ້​ປະ​ຊາ​ຊົນ​ພວກ​ເຮົາ​ຈົ່ງ​ມີ​ຊີ​ວິດ​ການ​ເປັນ​ຢູ່​ທີ່​ມີ​ຄວາມ​ສຸກ​ເພີ່ມຂຶ້ນ ແລະ​ອວຍ​ພອນ​ໃຫ້​ປະ​ເທດ​​ຊາດພວກ​ເຮົາ​ຈົ່ງ​ມີ​​ແຕ່ຄວາມ​ຈະ​ເລີນ​ຮຸ່ງ​ເຮືອງວັດ​ນະ​ນາ​ຖາ​ວອນ​​ຕື່ມ​ອີກ! ແລະ​ກໍ​ຂໍ​ອວຍ​ພອນ​ໃຫ້​ທຸກ​ທ່ານ​ຄອບ​ຄົວ​ຈົ່ງ​ມີ​ຄວາມ​ສຸກ​ຄວາມ​ຈະ​ເລີນ​, ສະ​ບາຍ​ດີ​ບຸນ​ກຸດ​ຈີນ!”

   ຕອນ​ບ່າຍ​ວັນ​ດຽວ​ກັນ, ທ່ານ​ສີ​ຈິ້ນ​ຜິງ​ໄດ້​ເດີນ​ທາງ​ໄປ​ເຖິງ​ສູນ​ວາງ​ສະ​ແດງ​ແລະ​ອາ​ຄານ​ຫ້ອງ​​ການ​ກິ​ລາ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ, ສູນ​ຝຶກ​ຊ້ອມ​ກິ​ລາ​ລະ​ດູ​ໜາວ​ແຫ່ງ​ຊາດ, ສຳຫຼວດ​ກວດ​ເບິ່ງ​ຄວາມ​ພ້ອມ​ໃນ​ການກະ​ກຽມ​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ​ແລະ​ງານ​ກິ​ລາ​ໂອ​ລິມ​ປິກ​ຄົນ​ພິ​ການ​ລະ​ດູ​ໜາວ​ປັກ​ກິ່ງ ທັງ​​ເປັນ​ການຢື້​ຢາມ​ຖາມ​ຂ່າວ​ພະ​ນັກ​ງານ​ຄະ​ນະ​ກຳ​ມະ​ການ​ກະ​ກຽມ​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ​ກໍ​ຄືນັກ​ກິ​ລາ​ແລະ​ຄູ​ຝຶກ​ທັງຫຼາຍ. ເມື່ອ​ບໍ່​ດົນ​ມາ​ນີ້, ທ່ານ​ສີ​ຈິ້ນ​ຜິງ​ໄດ້​ຕ້ອນ​ຮັບ​ການ​ເຂົ້າ​ຢ້ຽມ​ຄຳ​ນັບ​ຂອງ​ທ່ານໂທ​ມັ​ສ ບັກ​ສ ປະ​ທານ​ຄະ​ນະ​ກຳ​ມະ​ການ​ໂອ​ລິມ​ປິກ​ສາ​ກົນ​ທີ່​ເດີນ​ທາງ​ມາ​ກວດ​ກາຕົວ​ຈິງ​ກ່ຽວ​ກັບ​ສະ​ພາບ​ການ​ກະ​ກຽມ​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ​ຂອງ​ປັ​ກ​ກິ່ງ. ທ່ານ​ສີ​ຈິ້ນ​ຜິງ​ກ່າວ​ວ່າ: ຈີນ​ຈະ​ຈັດ​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ​ທີ່​ໜ້າ​ປະ​ທັບ​ໃຈ​ແລະ​ປອດ​ໃສ​ຂາວ​ສະ​ອາດ​ເໝືອນ​ດັ່ງ​ຫິ​ມະ​ແລະ​ນ້ຳ​ກ້ອນ​ເພື່ອ​ຊາວ​ໂລກ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ