location:laos.china.com > ຂ່າວ > ຂ່າວຈີນ > ເນື້ອໃນ

ປະມຸກລັດຈີນ-ຣັດເຊຍມີຄວາມເຫັນເປັນເອກະພາບກັນໃນການຊຸກຍູ້ໃຫ້ການພົວພັນລະຫວ່າງສອງປະເທດໄດ້ຮັບການຂະຫຍາຍຕົວໃຫຍ່ຫຼວງກວ່າເກົ່າໃນລະດັບສູງ

2018-06-09 10:41:59
1306021_2018060913415418561200.jpg 1306021_2018060913415423753100.jpg 1306021_2018060913415430493700.jpg
1306021_2018060913415435356200.jpg 1306021_2018060913415438680000.jpg

ວັນທີ 8 ມິຖຸນານີ້, ທ່ານສີຈິ້ນຜິງ, ປະທານປະເທດຈີນໄດ້ພົບປະເຈລະຈາກັບທ່ານວະລາດີເມຍ ປູຕິນ, ປະທານາທິບໍດີຣັດເຊຍຢູ່ຫໍສະພາປະຊາຊົນແຫ່ງຊາດຈີນ. ປະມຸກລັດສອງປະເທດໄດ້ມີຄວາມເຫັນເປັນເອກະພາບກັນວ່າ, ຍຶດຖືທັດສະນະຄະຕິທີ່ມີໄມຕີຈິດມິດຕະພາບໃນທຸກເຊັ່ນຄົນແລະນ້ຳໃຈປະສານສົມທົບທາງຍຸດທະສາດ, ບຸກເບີກແລະລົງເລິກການຮ່ວມມືໃນທຸກຂົງເຂດ, ຊຸກຍູ້ໃຫ້ການພົວພັນລະຫວ່າງຈີນກັບຣັດເຊຍໄດ້ຮັບການຂະຫຍາຍຕົວຢ່າງໃຫຍ່ຫຼວງກວ່າເກົ່າໃນລະດັບສູງ.

ທ່ານສີຈິ້ນຜິງໄດ້ສະແດງຄວາມຊົມເຊີຍອີກເທື່ອໜຶ່ງຕໍ່ທ່ານວະລາດີເມຍ ປູຕິນທີ່ເລີ່ມດຳລົງຕຳແໜ່ງເປັນປະທານາທິບໍດີອີກວາລະໜຶ່ງ, ແລະເລືອກຈີນເປັນປະເທດທຳອິດທີ່ເດີນທາງໄປຢ້ຽມຢາມທາງລັດຖະກິດໃນວາລະຕຳແໜ່ງໃໝ່. ທ່ານສີຈິ້ນຜິງຊີ້ອອກວ່າ, ການພົວພັນຄູ່ປະສານງານຍຸດທະສາດຮອບດ້ານຈີນຣັດເຊຍມີຄວາມສຸກງອມ, ໜັກແໜ້ນແລະໝັ້ນຄົງ. ຈີນຍິນດີພະຍາຍາມຮ່ວມມກັບຣັດເຊຍ, ປັປປຸງແລະຍົກລະດັບຄວາມໄວ້ເນື້ອເຊື່ອໃຈກັນ, ບຸກເບີກການຮ່ວມມືໃນທຸກຂົງເຂດ, ລົງເລິກການແລກປ່ຽນແລະການຖອດຖອນບົດຮຽນເຊິ່ງກັນແລະກັນດ້ານວັດທະນະທຳ, ຮັດແໜ້ນການປະສານສົມທົບສາກົນ, ເຮັດໃຫ້ທັດສະນະຄະຕິທີ່ມີໄມຕີຈິດມິດຕະພາບໃນທຸກເຊັ່ນຄົນລະຫວ່າງຈີນກັບຣັດເຊຍໄດ້ຮັບການສືບທອດຕະຫຼອດໄປ, ສ້າງຄວາມສຸກໃຫ້ປະຊາຊົນສອງຊາດ. ຈີນຍິນດີຮ່ວມກັນກັບປະເທດສະມາຊິກຕ່າງໆຂອງອົງການຮ່ວມມືຊຽງໄຮເຊິ່ງລວມທັງຣັດເຊຍ, ຖືກອງປະຊຸມສຸດຍອດຊິ່ງຕາວເປັນໂອກາດໃໝ່, ສົ່ງເສີມ“ນ້ຳໃຈຊຽງໄຮ”ຕື່ມອີກເພື່ອຮັບປະກັນໃຫ້ອົງການຮ່ວມມືຊຽງໄຮ້ສືບຕໍ່ພັດະນາຢ່າງປອດໃສແລະໜັກແໜ້ນ.

ທ່ານ ວະລາດີເມຍ ປູຕິນກ່າວວ່າ, ການລົງເລິກການພົວພັນຄູ່ປະສານງານຍຸດທະສາດຮອບດ້ານລະຫວ່າງຣັດເຊຍກັບຈີນແມ່ນທິດທາງບູລິມະສິດດ້ານການຕ່າງປະເທດຂອງຣັດເຊຍ. ຣັດເຊຍກັບຈີນໄດ້ພິຈາລະນາແລະຜົນປະໂຫຍແກນກາງແລະຄວາມເອົາໃຈໃສ່ທີ່ສຳຄັນເຊິ່ງກັນແລະກັນ. ການພົວພັນລະຫວ່າງສອງຝ່າຍໄດ້ບັນລຸເຖິງລະດັບດີທີ່ສຸດໃນປະຫວັດສາດ, ເຊິ່ງໄດ້ກາຍເປັນແບບຢ່າງທີ່ດີແຫ່ງການພົວພັນລະຫວ່າງປະເທດກັບປະເທດໃນໂລກປັດຈຸບັນ, ໄດ້ເສີມຂະຫຍາຍບົດບາດທີ່ສຳຄັນເຂົ້າໃນການປົກປັກຮັກສາສັນຕິພາບ, ຄວາມໝັ້ນຄົງແລະສະຖຽນລະພາບສາກົນ. ຮັດເຊຍຍິນດີເພີ່ມທະວີການຮ່ວມມືດ້ານເສດຖະກິດການຄ້າ, ການລົງທຶນ, ພະລັງງານແລະພື້ນຖານໂຄງລ່າງກັບຈີນ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ