location:laos.china.com > ຂ່າວ > ຂ່າວອາຊຽນ > ເນື້ອໃນ

ຈີນພວມກາຍເປັນຜູ້ລິເລີ່ມທີ່ເຂັ້ມແຂງໃນການປົກປັກຮັກສາແລະພັດທະນາເສດຖະກິດໂລກແບບເປີດປະຕູ

2019-09-19 10:59:56

ວັນທີ 18 ກັນຍານີ້, ທ່ານນາງ ໂກລເຣຍ ມາຄາປາໂກ ອາໂຣໂຢ ອະດີດປະທານາທິບໍດີຟີລິບປິນໄດ້ເດີນທາງເຖິງນະຄອນໜານໜິງເຂດປົກຄອງຕົນເອງເຜົ່າຈວ້າງກວາງຊີຈີນ,ເພື່ອທັດສະນະຢ້ຽມຢາມໂຮງໝໍແພດແຜນເຜົ່າຈວ້າງສາກົນກວາງຊີ.

ທ່ານນາງ ອາໂຣໂຢ ໃນໄວ 72 ປີ ໄດ້ສຸມທຸກກຳລັງແຮງຂອງຕົນຊຸກຍູ້ການຂະຫຍາຍສາຍພົວພັນລະຫວ່າງຟີລິບປິນ-ຈີນມາໂດຍຕະຫຼອດ. ນາງເຫັນວ່າ: ຈີນເປັນກຸ່ມເສດຖະກິດທີ່ມີຊີວິດຊີວາຫຼາຍທີ່ສຸດແລະມີການເຕີບໂຕໄວໃນຈຳນວນປະເທດທີ່ສຳຄັນຢູ່ໃນໂລກແລະພ້ອມທີ່ຈະກາຍເປັນກຸ່ມເສດຖະກິດທີ່ສຳຄັນທີ່ສຸດໃນເວລາອັນສັ້ນໆ, ຂະນະດຽວກັນ,ຈີນພວມກາຍເປັນຜູ້ລິເລີ່ມທີ່ເຂັ້ມແຂງໃນການປົກປັກຮັກສາແລະພັດທະນາເສດຖະກິດໂລກແບບເປີດປະຕູ.

ທ່ານນາງ ອາໂຣໂຢ ເຫັນວ່າ: ການພັດທະນາເສດຖະກິດຈີນຢ່າງວ່ອງໄວເປັນກາລະໂອກາດສຳລັບບັນດາປະເທດອາຊຽນ. ອາຊຽນແລະຈີນຈະສືບຕໍ່ໄດ້ຮັບຄວາມຄືບໜ້າໃນການພົວພັນການຮ່ວມກັນສ້າງເສັ້ນທາງສາຍໄໝທາງທະເລສັດຕະວັດທີ 21. ຂະນະທີ່ການຮ່ວມກັນສ້າງເສັ້ນທາງສາຍໄໝທາງທະເລສັດຕະວັດທີ 21 ໄດ້ເປັນການສ້າງເວທີການຮ່ວມມືທີ່ກວ້າງຂວາງທີ່ສຸດແຫ່ງໜຶ່ງໃຫ້ແກ່ອາຊຽນແລະຈີນ. ການພົວພັນດ້ານການຄ້າແລະການລົງທຶນທີ່ນັບມື້ນັບແໜ້ນແຟ້ນຂຶ້ນຕື່ມລະຫວ່າງສອງຝ່າຍກໍຈະສະໜອງໂອກາດດ້ານການພັດທະນາທີ່ມີການຊ່ວຍຊູຍູ້ໜູນກັນ,ການປະສານງານກັນແລະມີລະດັບເລິກເຊິ່ງກວ່າເກົ່າເພື່ອບັນລຸການເຊື່ອມໂຍງເຂົ້າກັນດ້ານເສດຖະກິດຂອງພາກພື້ນ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ