location:laos.china.com > ຂ່າວ > ຂ່າວອາຊຽນ > ເນື້ອໃນ

ຟີລິບປິນ-ຈີນມີການພົວພັນກັນຢ່າງແໜ້ນແຟ້ນຂຶ້ນກວ່າເກົ່າແບບບໍ່ເຄີຍມີມາກ່ອນ ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍມີອະນາຄົດທີ່ກວ້າງຂວາງ

2019-09-18 11:38:23

ວັນທີ 16 ກັນຍານີ້, ທ່ານ ຄາລອສ ໂດມິງເກສ ລັດຖະມົນຕີກະຊວງການເງິນຟີລິບປິນໄດ້ກ່າວໃນຂະນະທີ່ເຂົ້າຮ່ວມ “ກອງປະຊຸມເວທີປຶກສາຫາລືການແລກປ່ຽນດ້ານເສດຖະກິດການຄ້າ(ຈຸ່ງກິ່ງ)ຈີນ-ຟີລິບປິນ”ວ່າ: ການພົວພັນລະຫວ່າງຟີລິບປິນ-ຈີນມີຄວາມແໜ້ນແຟ້ນຂຶ້ນກວ່າເກົ່າແບບບໍ່ເຄີຍມີມາກ່ອນ,ການຮ່ວມມືດ້ານເສດຖະກິດການຄ້າແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດມີອະນາຄົດອັນກວ້າງຂວາງ.

ທ່ານ ໂດມິງເກສ ກ່າວວ່າ: ປີ 2018, ຈີນແມ່ນຄູ່ຮ່ວມມືທາງດ້ານການຄ້າທີ່ໃຫຍ່ທີ່ສຸດຂອງຟີລິບປິນ,ມູນຄ່າການຄ້າລະຫວ່າງສອງຝ່າຍບັນລຸເຖິງ 52 ຕື້ໂດລາສະຫະລັດ,ເພີ່ມຂຶ້ນ 15% ເມື່ອທຽບໃສ່ໄລຍະດຽວກັນຂອງປີ 2017. ປີ 2018, ການລົງທຶນໂດຍກົງຂອງຈີນຢູ່ຟີລິບປິນມີເຖິງ 634 ລ້ານໂດລາສະຫະລັດ,ເພີ່ມຂຶ້ນ 185% ເມື່ອທຽບໃສ່ໄລຍະດຽວກັນຂອງປີ 2017. ທ່ານ ໂດມິງເກສ ໄດ້ສະແດງຄວາມຊົມເຊີຍເນື່ອງໃນໂອກາດການສະຖາປະນາສາທາລະນະລັດປະຊາຊົນຈີນຄົບຮອບ 70 ປີ,ແລະໄດ້ສະແດງຄວາມຍ້ອງຍໍຈີນທີ່ໄດ້ບັນລຸເປົ້າໝາຍການຫຼຸດຜ່ອນຄວາມທຸກຍາກ.

ໃນມື້ດັ່ງກ່າວ,ນັກທຸລະກິດຂອງຈີນແລະຟີລິບປິນຫຼາຍຮ້ອຍຄົນໄດ້ເຂົ້າຮ່ວມເວທີປຶກສາຫາລື,ແລະໄດ້ເຊັນສັນຍາໃນ 9 ໂຄງການທີ່ມີມູນຄ່າຫຼາຍກວ່າ 4,6 ຕື້ໂດລາສະຫະລັດ. ຫຼັງຈາກນັ້ນ,ວິສາຫະກິດຈາກນະຄອນຈຸ່ງກິ່ງຂອງຈີນ 100 ກວ່າແຫ່ງແລະວິສາຫະກິດຟີລິບປິນຫຼາຍສິບແຫ່ງໄດ້ດຳເນີນການປຶກສາຫາລືກັນ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ